سمير صبيح - يردونك تضيع

يريدونك تضيع وانتة نور بليل *** وتموت من العطش يالماي يردونك

ويضيعونك عجيب وانتة مثل الريح *** وين بيا مكان اتضيع يلكونك

مشوك بدرب ما مات جدمك بيه *** وحتى اتضيع كلش شدو اعيونك

وغشو عينك وايدك مزنجلة ومجتوف *** تهد هدة اسد لو ناس ينخونك

يل المغفي الجمر منقلة وبيك اتنام *** وهمة رماد موكة ما يجوونك

اذا ظaك طلعته وظل وراك ايحوم *** ابد لتخاف منهم ما يظلمونك

عاشرنة التعب والاه والحرمان *** كلها لخاطرك ولخاطر اعيونك

صرنالك جسر للنجم عبرناك *** وصغنة من الحزن ضحكات لعيونك

تعلكنة قطع سودة وعليها ارواح *** ما جنة قطع لا كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عركك بالارض ميموت *** ترد تحيه وتعيش شما يكطعونك

ذاك حسين حي وصير انتة مثل حسين *** بالشدة الخريطة اتصير ميمونك

يااااا مدري شوصفك شرد اكولن بيك *** عراق والعمر ما يسوة من دونك

ليلى انتة صرت والمثل ما ينقاس *** وشعبك من محبتك صار مجنونك

كلمات جميله ومميزه
عاشت الايادي
ويعطيك الف عافيه
ودي ووردي

يسـرٍنـي توأإجـدي بـين صفـح ــآتكم
وأإلـرٍد على سطوٍرٍكم الذهبيـه
دأإئماً تبهرٍونـا بموٍآضيعكـم أإلـرٍآئـع ـه

منورين الموضوع حسن و hano
شكراً عالردود الجميله

يدللوووووووووو أخوية الغالي انت الأجمل بمشاركاتك الرائعة...

» سمير صبيح - شما اكتب فرح
» سمير صبيح - شيعوضني الدمع
» سمير صبيح - كل الزين تدري
» سمير صبيح - اشكي لياذمم ؟؟
» سمير صبيح - مختارات من الزهيري