سمير صبيح - كل الزين تدري

كل الزين تدري وناسك تكلّك
اظل احجي عليك وادري يوصلّك
وادري انته نجم وادري النهار وياك
باجر ليل باجر لازم اندلّك
عكدتك بالظلام وجاي هسه بنور
وآنه اعرف عكدتي شلون مافلّك
لون ومضه برق حزن العليه يفوت
ومو شخصك يلجعه لو لجع ظلك
وذا ممشه شهر عن حزني انته بعيد
ثق حزن العلي بس يخطف يسلّك
وابدي من الصفر وي كلبي اعلمه ردود
اكله شبيك تركض منهو اليملك
اخذ طبع الارض ماتدك باب الغيم
صد بعين المطر بس هوه ينزلّك
وموذاك العطش بيك وتخاوي البير
تجي مدنك تطلبه ولازم يذّلك
وكلام الناس عاكه وماخذه التيار
ويكض جرفك بعد لتصدك يحلّك
المنجل واعدك يزرعلك وثقيت
شيعرف بس حصاد شلون يشتلّك
وضاعت هيبتك مو ذنبك انته السيف
ايد الشالتك عالخنجر تسلك