سمير صبيح - شما اكتب فرح

شما اكتب فرح كلمه عله ورقه يضيع
واكتب ياحسين ويصرخ المطلع
وتاخذني الضنون شراع للاحزان
ويهزني العطش والجود والمصرع
ذبحوك وبقيت شعاع للاحرار
ودفنوك بضلام وجثتك تستطع
من يطلع ﮔمر جن رايتك بالكون
ومن تطلع شمس جن ﮔبتك تطلع
ختارتك طريق رﮔاب اليحبوك
راووهه الذبح بس مارضت تخضع
وحته تعوف حبك حاربتهه سيوف
وهيه بغير حبك لاتضن تقنع
شكد ذنوب بيه من الزم الشباج
احس يصير منجل بالذنب يكطع
وابوسن عتبتك بس بطمع ناعور
ارد اشرب وابوس ولاتضن اشبع
ماغرنه السراب وانته مايك ماي
نعرف مصدرك والطين والمنبع
لان بأطهر حجر خصك اله الكون
وعله الكوثر ابوك وجدك اليشفع

وطبرت هامتك وجفوف ابو الامجاد
ناقوس الرفض باذن الضلم يقرع
بس عندي طلب ياابن داحي الباب
العراق بشاربك ياطيب المرضع

وطبرت هامتك وجفوف ابو الامجاد
ناقوس الرفض باذن الضلم يقرع
بس عندي طلب ياابن داحي الباب
العراق بشاربك ياطيب المرضع...
يسلموووووووووو الايادي

جميل جدا

» سمير صبيح - اشكي لياذمم ؟؟
» سمير صبيح - مختارات من الزهيري
» سمير صبيح - يردونك تضيع
» سمير صبيح .. اذكر جنت عسكري
» سمير صبيح - شيعوضني الدمع