سمير صبيح - سميتك محنه وعاطفة واشواك

سميتك محنة و عاطفة و اشواق
لهو.. تكضّي وكت.. شتريد سميني
و اخذ شتلة غرامك.. يا عشق.. يا شوگ ؟
بس عاﮔول صَدّق، ينبت بطيني
دخليني عله بختك، اني ما مجبور
بيدي انحت اله و اكفر بديني
و ليش أطلع شمس و أدري انت طبعك ماي
تصعد غيم مني و توكف بعيني ؟!
دحاجيني بطلعتي البير طبته تهون
اموت اطلع عدل لتكول ترويني
بلبل و بقفص، لا تحطني بالبستان
يا غصن اليميل بنار يجويني
كبرت على السهر يالمرودك سجّين
شلي بكحلة غرامك.. كون تعميني
العشق عندي عشق، ما عندي هيج و هيج
اتانيك.. و أجيك.. و ما تتانيني
و لو حسبة حلم طيش الشباب يعود
مجتفني الوقار و ما يخليني
و درت عيني على نيتي و شفت ظلك فات
و على طينة خيالك غمست عيني