نائل مظفر - الحب الاول

لانك بالتزامك مؤمن .. اهلك
اخاف اتشيل ذنبي .. مو من اهلك
منو بكدي يحبك .. مو من اهلك

منو بكدي يحبك .. من عشرتك
ويتمنة ايصير اصبع .. من عشرتك
وانة شكضيت خايب .. من عشرتك

اعد بسنين عشرتنه .. وهي جروح
واحس وية النفس يطلع .. وهج روح
واخيرا كتلي ودعني .. وهج روح

اروحن وين ما اكدر .. هوة انتة
وانتة الما هان من اجلك .. هونتة
الي بدنياي شي واحد .. هوة انتة

وحرت بين ان تركته .. وان تبعته
انا الونيت والون .. ون تبعته
ما باعك حبيبك .. وانتة بعته
حبيبك باع عمرة .. واشترك بي
وحزن كلبي على حزنك .. واشترك بيه
وبعد شدوس كلبي .. وشترك بي

جبل حبة وتكلكل .. لنته كل بي
ويدنية شما دفتعيه .. لن تكلبي
واذا تنسا يكلبي .. لنتة كلبي
ولاريدك بعد وبصدري .. احم لك
وحبيبي شلون ترضة .. بصد رحم لك
اذا حملك يتعبك .. صدري حملك

الي وروحي الارض وشكد دولهه
وتداوي الداء لو بالمخ دوى الهه
بس العين ما يحصل دوه الهه

دواها العين خله من تقر بيه
وتصب كل ما تشوفك منته قربي
ولك شيصير حبك من تقر بيه

وتحبني انته يقين بصدري مو شك
الف شوكة سكوت بصدري موشك
انذبح كلبي وتشضة بصد رموشك

وعرف محد يدفنة وشي دفن شي
وعكب صدرة المواكب شي دفن شي
كفر من رسم غيرك شي دفنشي

واضن للجنة يدخل من يرسمك
وحبيبيك يمسح اسمه من يرى اسمك
ابسُمُك حبيي جمالك من يرى أسمك

وانة الليل بعيونك شفته كحلة
وشفت شمس الاصيل وشفتك احلى
والعسل من ضكته كلك شفتك احلة

اذاً لو من شفاهك بستك اشفة
اذا انتة المات يعدل بس تكشفة
شتضن حبك يضعفك بس تكشفه

وعلي تخفي اهتمامك واكتراثك
وانة المن مات كلبي وك تراثك
نسيت الحب الاول وك تراثك

صدك ينسة تراثة هسة جيلك
وتشوف ازواج عيني هالسجي لك
وانادي وما تكلي هسة اجيلك

صحتلك ياء صارت كبر يائي
وذا رائيت بالشط كب ريائي
حبيبي شلون تجرح كبريائي

وتذلني كبال كل ناسك وناسي
وبقيت بصحرة شاتلني وناسي
ناس تكلي لا تسكت وناسيه

لان كلش مذلتي لا كتلهم
وجبل حبي المقدس لاكه تلهم
كالوا حيل ذلك لا كتلهم

عناية احتاج كلبه وجاي اعانية
وخفيت شكثر منك جاي اعاني
تمرمرني من ازورك جايع اني

شكثر ندمان جي بيتك عتبته
وعرفني الباب من دكتي وعتيته
عتابي وياك جي حبك عتبته

كلبي شلون يمهم وك كسرته
اسير وذل شجالك وك أسرته
كبل جانت اسرتك وك اسرته

اسرتك هسة سمتني الضحيه