نائل مظفر - ما احساسك ؟؟

قصيدة ما احساسك قصيدة وجدانية تصور واقع الفقر الذي يعيشة مواطن عراقي مقارنة بمواطن اوربي
نائل مظفر يكول :

ما أحساسك
يسألني الصحفي الاوربي ؟؟
مااحساسك..
ما أحساسك وانته الان بنص اوربا في قمة عصر التقنية
مااحساسك.. لو عندك حاسوب وانترنيت وتراسل بالالكترون ومتحس بغربة وحنية
نقالك عبر الاقمار يطلع وجه امك يومية
مااحساسك.. لو فتحت كلبك والحصوة بالليزر يداون كلهن وما تحتاج لأي عملية
مااحساسك.. لو باليزر محو امراضك اسهل من محو الامية
مااحساسك.. لو عالغيم اتعلك شقتك والنجمة اطب من نافذتك وتبات بحضنك ليليه
؟؟
احساسي اتلفظه بانفاسك من اني اسال وانته اتجاوب مااحساسك..

مااحساسك .. لو يتبدل حالك حالي وناسك ناسي وناسي بناسك..
مااحساسك.. لو تنسى الشقق الجوية
مااحساسك.. لو تصبح اكثر شعبية
مااحساسك.. لو تسكن بالحيانية
مااحساسك لو كل ساعة مأجر غرفة ونكَـله اجوالاتك يومية
لا من شغلة ولا يومية وضلت بجيوبك بس مية
مااحساسك .. بيش اتجيبون الكمية
مااحساسك .. لو صوبتكم ماتتعله ولا تتنصه ولا تتطفه
الا اتذب فوكاها اميه
مااحساسك.. لو وكتك ضكَـك فد نوبه تداين خبزات وروبة
وخبز وروبة وخبز ..
وافرض جيرانك ضكَـتك ..خويه انريد افلوس الروبة
مااحساسك.. من تضطر اتبيع الصوبة
مااحساسك.. من تفتر بسوك الجمعة وشايلك من بيتك سلعة..
عمي بتسعة ..عمي اتوكل بالله بسبعة شايف خير وتستاهلها
سلعت بيتي ابيتك خلها..
ومن يكعد يحسب بفلوسك وي كل ورقه اتنزل دمعه
مااحساسك.. لو يوم اتخلص كميتك والجوع يلوج ابزريتك
تبجي دموعك تبجي اعيونك بجيك مايترس صينيتك
اتكوم ادعي وانته اتصلي باصدق نيتك يارب ياريتك ترحمنا
يارب ياريتك تنصرنا.. يارب ياريتك.. ياريتك ..
والصاروخ ايطيح ابيتك
مااحساسك.. لو نص راس ابنك طكَـ براسك
مااحساسك.. لو كتلك اترك احزانك.. حس بشعبك وبجيرانك
مااحساسك.. لو عينك شافت بنتين بعمر الخمسة
وست اسنين.. رادن يمشن رادن مرة بلعبة يركضن بس ماكدرن
متعوقات بلا رجلين..واتخيل عدهن رجلين ويلعبن ختيله براسك مااحساسك
مااحساسك.. لو مريت بسوك وبنتك كالتلك بابا جوعانه بابا جوعانه جوعانه
تكسر كَـلبك اتكَـوم اتمد ايدك بجيوبك تلزم فخذك ماكو ابطانه
وثكل الدمعة يدنك راسك مو للكَـاع انشلفت بنتك انقهرت كلش..
باستك مالازم بابا وندمانه
تسمع صوت ايصيح ادفعلي وصوت الثاني ايكلك انه
لا انه وانه لا انه وتباوع كلهم ديانه اشرف واحد بالديانه
اجسر ومد ايده بجيبك وكض بس رجليك العريانه ماكو ابطانه
طلع ايده راح الاول راح الثالث راح الخامس
مااحساسك.. فخذك يعلن عن افلاسك
مااحساسك.. لو راسك بيه لعب الشيطان وبكَـلبك قل الايمان
شنهي هالعيشه خوف وذلة وظلم وحرب وجوع ودربك ماتكدر تندله
وماتملك بالدنيا جكَـارة هم حاسب نفسك انسان
سويلك يمعود جارة اتكَـوم اتصيح ياشيطان.. ياشيطان..
بس عدالله اهناك الجارة بس عدالله اهناك الجارة
وجيت حدر السيارة
مااحساسك.. لو داس ابريك وماداسك
مااحساسك.. لو اني السبب بالامك وأجسر واوكف كدامك
واجرأ واسال مااحساسك.. مااحساسك.. مااحساسك..؟؟

احساسي اتلفظه بانفاسك من اني اسال وانته اتجاوب
مااحساسك.

الشاعر المبدع
نائل المظفر

الله الله الله الله الله
ماارورع مانثرته هنا
ابيات جميله جدا جدا جدا
دائما متألق ومميز
شكرا والف شكر
من القلب
تقبل تحياتي و أحترامي اخوك
الحـــــــــس حسن ـــــــــــــــــــني

يدللووووو حسن
ردك الجميل نور الموضوع
شكراً عالمرور الرائع ياغالي

أنت الرائع وأخنياراتك للمواضيع بكل دقة الصراحة جدا أعجبني
وآني من أشد المعجبين بالشاعر الرائع نائل المظفر

تدلل اخوية الغالي
ان شاء الله راح تلكة كل اليعجبك بمنتدانا

عاشت ايدك حمادة
كلمات جميلة جدا
ميرسي

يسلموووو حبي على موضوعك الجميل تقبل مروري 2:.

مشكوووووووووووووور احمد
ما شاء الله عليك صاير حيل مبدع

[b]عاشت عاشت عاشت
الايادي
والله اكثر من روعة

منورين الموضوع يااحلى اعضاء
شكراً عالمرور والردود الجميلة

» نائل مظفر - تفاحة ابن ادم
» نائل مظفر - الخائنة
» نائل مظفر - المسألة
» نائل مظفر - الحكمة
» نائل مظفر - يوسف طاح