انت متغير عليه

انت متغير عليه

تزعلني وتجافيني وبلايا وداع
أعتذر منك تجافي شلون محبوبك
تعال اگعد گبالي ابچيلك الدمعات
وأخليك بدموعي تغسل ذنوبك
اني لجلك تركت كل دروب الناس
اغمض عيوني وامشي على دروبك
انت الي چنت تگول ما تفرقنا الناس
ليش تبدلت وليش تغير اسلوبك
بدون ما تسأل اني احچيلك اسراري
واني اسئلك وما تحچيلي اسرارك
ابقى اصبر واسامح واگول تهون
وقبل ما تعتذر اني اقبل اعذارك
قدرك عندي عالي بعلو الجبال
سهل طلع يمك للأسف قدري
مجبور اسامح واصبر عليك هواي
انت بالجسد روحي وبعيني نظري
اتفقنا انا وياك محد يزعل الثاني
شجاك تغيرت بس گلي ياعمري
انت كلشي وكلاشي بهاي دنياي
انت ايامي وانت صغري وانت كبري
حبيتك ولجلك غيرت كلشي بحياتي
وانت تعرفني احبك لا تگلي ما ادري
على كل كلمة احبك تشيب براسي شعره
تعال وشوف من حبك صاير گطن شعري

موضوع عجبني فحبيت انزلى
هذا الموضوع اهداء الي كل شخص اتغير على حبيبه