اه ما اغلى عيونه

ياعيوني
علميه اني احبه اعشقه
واني لا يمكن اخونه
علميه انه حياتي قصتي عمري وذاتي
ماابي الدنيا بدونه
علميه بكثر شوقي
علميه بكثر حبي
وانه اغلى من عروقي
اه مااغلى عيونه
والله انه عطر نفحه في سنيني
والله انه قصتي حبي وحنيني
والله انه نبض قلب عاش فيني
والله انه حلم عمري لو يجيني
والله انه ياعيوني شيء اكبر من كلامي
صدقيني
لوجفاني ..... لو تركني
هم احبه
لويبعد عن عيوني يازماني
هم احبه
لويقولو باع عهده ولو رحل او نساني
هم احبه
ولو رمى حبي وهدم اللي بنيته وحب له انسان ثاني
هم احبه
حبه اصبح جزء
لا بل صار حبه هو كياني
ياعيوني كيف ابنسى
كيف اخوض البحر دونه
وهو في البحر مرسى
كيف دنياي الكبيرة تبتدي من دون حبه
كيف احس بلذة ايامي اذا كانت الاوراق يبسى
يكفي اني لا ذكرته ياعيوني
انسى هالعالم وكونه
والله احبه حيل احبه
ياعيوني