تلعـــــــــب علـــــــى جروحــــــــــي(للشاعر محمد رحيمة الطائي)

ماشوفك تحبني وچنك انت ابعيد ..
اشما اقرب عليك .. اتزيد حسراتك ...
اذا خايف احرجك .. گلي ليش أتخاف... ؟ ما أريد آنا أصير .. سبب مأساتك ..
احسب للطريق ، وشوف دربك زين .. بس آنا اعتقد .. حاسب حساباتك ..
مرات اني اشوفك .. قمة بالاشواگ .. ومرات احس گلبك .. عكس نظراتك ..!!
اشوفك ترف ، واطمع ع الترافه البيك
اجيك .. وتنگلب قاسي بعلاقاتك
يـــ حاتم بالكرم .. واكثر بعد للناس .. بس وياي .. تبخل ليش ساعاتك
تلعب على اجروحي .. وتضحك ومرتاح .. وأنا ابطيبة گلب .. احمل جراحاتك ..
واضح ويه غيري .. وغامض انت وياي .. اتمنى اني غيري .. واحوي ضحكاتك
بس راح اني اعوفك .. وانشغل بالروح .. وما تلگي من يمسح غيري دمعاتك ....

حلوه وعاشت ايدج
يسلمووووووووووووووووووووووووووووووووو

عيونك الحلوة شكرا على الردود
تقبل تحياتي الك

يسلمووووووووووووووووووووو