محاورة بين حبيبين...((أهلي مايردوني أحبك)) للشاعر محمد رحيمة الطائي

هي\\ محتاة ويه روحي وحيرتي بصدري واموت من القهر بس انت ماتدري..كلما اريد أكلك أحسب ألف حساب أخاف تروح مني وينتهي عمري هو\\ قلقتيني بكلامج..
كولي شنو الصار..مامرتاح أحس وكلي صاير نار
كولي شصار..
احجي اشصار..
هي\\ أهلي
هو\\ أشبيهم أهلج؟؟
هي\\ أهلي مايردوني أحبك..
وحايره بين أهلي وأنته
وأهلي مايردوني أشوفك..
يعني اموت بدونك أنته
انه ماأخفي عليك النهار يمرني بهم وانه لعيونك صبرته
وليلي لوما الليا جان هسه اني ميته
هو\\ ياوكتي..
اشضل عند بعد رايد تسويه
انه الكلبي جمر وأمكاسر بنار..
وهم شفت الجمر واحد يجويه
دور شماردت ياوكتي تندار
ابكثر جروحي منك هسه وياك محتار
جرح اي يجي بيا صفحه اخليه..
هي\\ حبيبي أشبيك..؟
لاتحتار..
انه وياك ابقه وخلي كلشي يصير..
يمنعوني..يحرموني..يبعدوني..
أوصلك حمامة بتك جنحها تطير
ياأول عشك والروح هامت بي..
يل منك ابد ماشفت كل تقصير..
بس اريدك وياي ابقه ذاك فلان
لاتحسبني شرسه يخونك التقدير..
هو\\وأهلج..؟
وانه..أهلي..واصدقائي شلوون..؟
باجر شرد أكلهم لويسألوني..
عاندت أهلي كلهم من حجوا وياي
كالو ولك نار...وكلت عوفوني...
باجر مية شامت يوكف على الباب
ياعذر الأجيبه وبي يصدكوني..
وانتي..وانتي شلون..؟؟
هي\\ انه شلون....
ماأدري..
حرت وأحتارت ضنوني..

صدك حيرة هاي شلون
بس اذا يحبه يضحي بكلشي بدنياا علمودهااا لان هيه كل حياته ودنيته
عاشت ايدك
تقبلي مروري

يسلمووو طبعا اليحب يضحي..

يسلموووووووووووووووووووووووووووووووووووووووو

يسلمووووووووووووووو

عاشت الايادي تقبلي مروري