نائل مظفر - تانيتك

تانيتك تجيني هلال .. بس ماصارت القسمة
وتانيتك تجيني شموع .. بس ماصارت القسمة
وتانيتك تجيني دموع .. بس ماصارت القسمة
وتانيتك تجيني رماد .. هم ماصارت القسمة
تانيتك تعال شبيك عليك جروحي متعلمة
يجمرة توت اني اخرس دجوّيني بلكت تطلع الكلمة
يغيمة العتمت سنيني ولج ليوين منهزمة؟؟
تعاي وجودري بليلي .. ولو ماضل ضوة بنجمة
يملح المانفع جرحي .. يخايب عاد بس لجمة
سيفك اغلى من دمي دحدة بجرحي صار اعمى
كبل سنيني ذابحني .. تعال وواري جثماني
حبيبي اندفنت الموتى علي متكلي شمتاني ؟؟
ولك جريت كل روحي وعفتهه مجلبه بلساني
اريد اشبك سكم سيفك واصير المجني والجاني
والتف بكفن ضيمي واكص بالطول شرياني
وادك تابوتي بضلوعك واشر موتي على بيباني
وادك طبولي بعضامي وافرغ دمي بحبوبي
واسبلنه بثواب اهلك بلكت تغفر ذنوبي !
يسيف الجنت ازامط بيك اريدنك تكف صوبي
ولو مكسور ميخالف ..ولا احط ايدي بجيوبي
جنت مستور للشمات وكلهم يمي محبوبي
رحت والناس عرّوني دباوع فرهدوا ثوبي
تعال استر عليه شبيك يتيمة الخطوة بدروبي
تعال ارجم شياطيني يدمعة صفنة غروبي
نذر لو من صدك رديت والله انطاني مطلوبي
انزع مستحى الدنيا والبس ثوبي مكلوبي
والم شمسودن بحينه وافك للناس كل بوبي
واقيمن حفلة لسيوفك واركص كل جرح جوبي !!

نائل المظفر
تحياتي
احمد

يسلمووووووووووو حبي حمودي يا مبدع عاشت الايادي تحياتي واحترامي الك

الله الله الله الله الله
ماارورع مانثرته هنا
ابيات جميله جدا جدا جدا
دائما متألق ومميز
شكرا والف شكر
من القلب
تقبل تحياتي و أحترامي اخوك
الحـــــــــس حسن ـــــــــــــــــــني

نذر لو من صدك رديت والله انطاني مطلوبي
انزع مستحى الدنيا والبس ثوبي مكلوبي
والم شمسودن بحينه وافك للناس كل بوبي
واقيمن حفلة لسيوفك واركص كل جرح جوبي !!

منورين الموضوع بمروركم الرائع

» نائل مظفر - تفاحة ابن ادم
» نائل مظفر - ما احساسك ؟؟
» نائل مظفر - المسألة
» نائل مظفر - يوسف طاح
» نائل مظفر - الخائنة