نائل مظفر - يوسف طاح

قصيدة يوسف طاح قصيدة سياسية ناقدة للوضع الحالي للعراق ..
اترككم مع القصيدة :

يوسف طاح كتله انطلعه انريد
واجيت بقافلة وجيش ومغاوير
ماطلعت يوسف كلنه معذور
بس لأيران ليش تطلع البير؟
ملحنه وزادنه ماغزرن بيك
يغزر بيك بس لحم الخنازير؟
لتكلي الحضارة وانه تاريخ
كره حته الطفل ذني الاساطير
لعنة الله عله بابل لابو اشور
سينا شحصلت من العقاقير
ست الالف مرت واحنه جياع
ودول صارت امس وبروسهن خير
بجنح جدك تزامط وانت زرزور
شايفلك صكر خلف زرارير؟؟
نريدك تبني بابل احله من هاي
ونبوخذنصر انت نريدك تصير
السما انترست شضايا تصيح الطيور
ونشرد وين منهن .. قابل نطير؟؟
امرهه لألله حطت عشهه بالكاع
ومشت مثل البشر ذني العصافير
ومنه اتعلمت ماتفزع بصوت
دكة الباب صارت عدنه تفجير
ونسد بالكوة باب ويندفع باب
وضلع كله الشعب وانتم بسامير
الوطن عالسدية نايم وانتوا ايفاد
جراحات الدول محتاجة تخدير؟؟
بس باب الوطن لللساعه مخلوع
سياسيين انتم لو نجاجير؟؟
كالوا راح تخطب كلت اتانيك
خطابك بلكت الله يبشر بخير
علي ساعه خطبت ما ادري شتريد
خطبتك بالضبط حلقة فوازير

ملاحظة : القصيدة تعبر عن رأي الشاعر وليش بالضرورة عن رأي المنتدى

الله الله الله الله الله
ماارورع مانثرته هنا
ابيات جميله جدا جدا جدا
دائما متألق ومميز
شكرا والف شكر
من القلب
تقبل تحياتي و أحترامي اخوك
الحـــــــــس حسن ـــــــــــــــــــني

كل الشكر اخ حسن عالرد الجميل
منور الموضوع بمرورك
تحياتي

» نائل مظفر - جرح الفقير
» نائل مظفر - انت تحلم
» نائل مظفر - كلبك جلد
» نائل مظفر - الخائنة
» نائل مظفر - تفاحة ابن ادم