نائل مظفر - انت تحلم

القصيدة وجدانية تصور الفرق في اهداف الشباب بين الحلم والطموح
اترككم مع القصيدة :

انت تحلم واني احلم
ياترى من حلمة حلمة احسن؟؟
حلمي احسن ..
انت تحلم تلبس بروفان عالي وبالبشر رجليك تطحن
واني احلم كون راسي يشيل هاي الناس كلهه حتى لو رجلي تحفن
انت تحلم كاظم الساهر يوقعلك بطاقة تبوس خدة تكلة شكراً
واني احلم عندي كروة بيهه اروحن للحسين والزم الشباج واصفن
انت تحلم تاكل بلحم الغزالة حتى صحتك تبقة احسن
واني احلم انطي جيراني عشاية ولو شبع هو وجهالة لوحدي اسمن
انت تحلم كون يم عميان تكعد حته تاكل كل اكلهم
واني احلم كون اعمى كبالي صحني واثرد الخبزة بصحنهم
انت تحلم تسهر بملهى الروابي وتكسب الـألاف صدر العارية
واني احلم اسهر بمستشفى عام واعصر الدمعات للمرضى دوية
انت تحلم كون تطلع للسويد وتشتغل حمال عدهم
واني احلم كون يرجع كل عراقي الغربه ذلة وماكو احسن من وطنهم
انت تحلم تمشي شايللك مسدس تخوف الناس بمشيتك
واني احلم يوم اتمشى العصر ومحد يكلي هويتك

» نائل مظفر - الحكمة
» نائل مظفر - باب العتاب
» نائل مظفر - جرح الفقير
» نائل مظفر - كلبك جلد
» نائل مظفر - تفاحة ابن ادم