قصيدة اسطورة ..اسم على مسمى (غزل)

تحياتي لأحلى اعضاء .. سلامي لكل من مر على هالصفحة..
قصيدة اليوم في الغزل اسمهه اسطوره
تكول:

دور وجهك فدوه عن عيني انعميت
انت وجهك موطبيعــــــــــــــــــــــي بنوره
سولفو عنك كبل ماصدكــــــــــــيت
ومن شفت وجهك لكيته اسطــــــــــــوره
شنهي بابل شنهي سومر لوحجيت
وياهو هذا الراسم الزقــــــــــــــــــــــــوره
اور من طين انبنت وانت انبنيــــــت
من ضوه وظلك طلـــــــــــع حــــــــــــزوره
من تجي بتموز اظل ارجف عليـــك
تريد بجويـــــــريـــــد احس احـــــــــــروره
تمشي موعالكاع جنك لومشيت
الناس كلهــــــــــــــــه تصيح وجهــك دوره
وكلهه تلتم من تجي وجنك ثواب
المايعرفك راح جاب اكـــــــــــــــــــــــدوره
اوكف اشويه اعله بختك مشتهيك
احجايه وادري بحضرتك محظـــــــــــــوره
انطيني خدك ؟ها ولو؟زحمه عليك
خل اضوكه بريجي احس مـــــــــــــــروره
وصوره خل ناخذ سوه وبعدين اموت
عالاقل وياك ماخــــــــــــــــذ صـــــــــــوره