يا برد الحدايق يا صباح الخير

يابرد الحدايق ياصباح الخير
يابوسة ندى بخدود كل مشتل

ياكلمة هلا مو روح غيرك روح
يالعينك كحل مو عين تتكحل

يافرحة المعقل بيك عصريات
من تضحك تضحّك كل بجي المعقل

يالشوفك يردني لساعة الميلاد
يالجيتك عيد وروحتك مقتل

يامعزي المواتم إنت لو مريت
أبو الماتم فقد من عبرتك هلهل

مر وجهك صبح والزلف نص الليل
شلون الصبح مر والليل ما كمل

نظراتك عرش ورموشك الحراس
ومارايد حياته البيك يتغزل

وعيونك مسافة وحقنا بيهه نتيه
إذا جفنك دول عن دول وين أندل

ولك يامدري شنهو وخدك ولايات
وشفافك محطة وريلها معسل

وركبتك سوالف طشت على الناس
المخبل عقل والعاقل تخبل

وبصدرك درب ممنوع أحب أمشيه
وتحت زيجك ضوى يكشفني لو هدل

ولو بكتار صدرك تنوجد لبدات
لأن كل جهة بصدرك بيهه شايل تل

يلطولك قيامة وخصرك النارين
كل شبكة على خصرك جلدي يتبدل

يمن فدوى الأجانب كلها للرجلين
يل مو ساك ساكك ساك لو ململ

والمشية إحتفال وتركصلها الكاع
وبهزة إيديك كلوب تتدندل

طركاعة اللفتني شكد أموت عليك
وطركاعة اللفتك يلي تتحمل

قررت إني أعوفك حتى أضوج عليك
وحتى تشوفني لاجلك شلون أنسل

أقل من يوم عفتك شو صرت نصين
وأحس نص راحلك من عندي يتختل

روعه هذه الابيات للشاعر عبد الحسين الحلفي
وشكرا لان ذكرتنه بيهه
وعاشت الايادي يا مصطفى
يسلمووووووووووووووو 1:.

يتدللو..وشكرا ع المرور الحلو

يسلموووووو

» $$...صباح الخير بعيونك ولعيونك صباح الخير ...$$
» (عراق الخير)
» ( يا دجلة الخير )
» صباح الامنيات
» كيف تحصلين على وجه مشرق كل صباح