سندريلا العراقية

كان يامكان في عتيك الزمان جان اكو بنية اسمها سندريلا خوش حاتة اصيلة وعلمودها غنى حسام الرسام العكربة المهم جان عدها مرة اب كلش خبيثة وتشتغل وية الامريكان مترجمة خخخخ وخطية ابوها بيبع قوايش مبردات بعكد النصارى ومرات يبيع شخاط فل وهوة خوش زلمة من اهل الاول وجان الكل سايكين على سندريلا خطية روحي سوي الجوزة مال المولدة فصلت روحي اوكفي سرة عالغاز روحي لابو المحل براس الفرع اشتري شحاطات لخواتج اللي همة جانو 3خوات من غير اب هم خبيثات للهامة روحي جيبي لفات فلافل مشي روحي بدلي الدهن مالمولدة الاقصى وهاي خطية جانت كلش حبابة ومتحجي كلشي بس من جواها جان التقسيم مشتغل ويوم من الايام جانت تتصعد بجليكان ابو ال 20 الماي ضعيف والماطور مايصعد لان ماكو كهرباء جان تلكى بالطرمة فانوس بس شنو مزتجر وعتيك عبالك متحوسم من دوائر الدولة جتي علي وفركتة وكررب وكام يطلع دخان سندريلا رجعت خطوتين للخلف بسبب المفجاة شنو هالدخان هذا؟الدخان تحول جني لابس دريس مال برشلونةوبوتين اديداز وسوار ذهب وحاط معطر
freedom for men
شبيك لبيك عبدك بين ايديك انا الجني رامي من العرصات شتريدين اسويلج بس اطلبي عالسريع لان ماما دتسويلي مسكول لازم ارجع للبيت
كالتلة عمو جني اريد كهرباء 24 ساعة تكدر؟
ولج بابة اني ساحب واير ابو ال5 امبيرات من المولدة تكوليلي جيبلي وطنية

اني جني لو وزير كهرباء؟
زين كالتة عمو اريد قنينة مالغاز متروسة لان معوزين كللها عمو شنو هالحجي شكد فكرية
عمو لعد شتكدر اتسوي؟
كللها عمو بعدج صغيرة ومحرومة والامير راح يسوي حفلة وادري اهلج راح يروحون شنو رايج لو اخليج تروحين؟ واحتمال تطلعين بصاية وصرماية لان الشرقية راح تكون موجودة هناك
زين شلون اروح عمو نفرات لو كيا ؟
كلها عمو معليج غمضي عينج غمضت سندريلا ومن فتحت شافت نفسها لابسةبدي وتنورة كصيرة وحذاء مفتوح طالعة حاتة مو طبيعية وكلها الحفلة تخلص بال8 ونص لان منع تجول لازم ترجعين قبل ال8 كلتلة حاضر عمو
وصلت سندريلا لبيت الامير جان مسوي حفلة لان طلع معدل 77 بالسادس وراح يدخل كلية اهلية او طب بيطري بعد ما اعرف والحفلة جان بيها نجود وسمراء وساجدة عبيد (كلها هجع وعالكة) وهم سهام السبتي هم جانت موجودة
والامير كان شاد رباط على راسة ومقندل و صاير طلي وردح لليافوخ وفجاة صادف سندريلاوكابلهة

جتف ساعتين وسندريلا نست روحهه وفجاة دكت 8ونص والله انلاصت اتذكرت الوصية مال عمو رامي وكالت لازم اشطح الامير كللها وج تعالي وين مولية ؟مو داحاجيج فضيلة؟(هلكد ما سكران نسى اسمها) المهم ركضت سندريلا وكرب وكع الحذاء مالتها بلى ماتدري جان الامير شال الحذاء وضل صافن عالعالم وضل مصدوم وصورة سندريلا الحلوة ببالة جان يباوع الامير عالناس وكال

الشركة العامة للصناعات الجلدية فخر الصناعة العراقية
خبرة وتميز في مجال المصنوعات الجلدية من الاحذية والحقائب بارقى المواد
url=httpfashion.azyya.com][img]httpup3.up-images.comupuploads4imagesimages-52cc6f4876.gif[img][url]]

هههههههههههههههههههههههههههههههه
عاشت ايدك
تقبل مروري وتحياتي الك

يسلمووووووووووو عاشت الايادي