ثامن معجزة .... بقلمي المتواضع

[size=18]

السلام عليكم حبايب
شلونكم ؟
عساكم بالخير والصحة والسلامة

اليوم اقدملكم قصيدة كتبتها اني ويكن لاحظتوا انه كلتلكم اني عندي واهس بهالمجال
وبعدني بادي من الصفر ... اتمنى تنال اعجابكم

القصيدة اسمها
ثـــــــــــــــامــــــــــــــــــــــن معــــــــــــــــجـــــــــــزة

انته عندي كل الناس وغيرك بشر ابد مابيوم ردتـــــــــــه
حطيتك بوسط روحي ومضل غيرك وك حته الكلب شلتــــــــــه
كدام الناس كلبي ابد ما ينحني والك هذا الكلب دنكتـــــــــــه
يهون الك كلشي بحياتي وفدوه الك عمري لو خذتـــــــــــه
ابيع روحي بالرخص واشتري بدمي حبك لو بعت انتـــــــــــه
ابن ادم جان جاهل بدرس الحب وبيدك انته عالعشك علمتــــــــــه
الكافر من شافك كال آمنت بالله وك حته مذهب الكافر انته بدلتــــــــــــــه
والمسلم من شافك كال سبحانه ربي وك حته ايمانه بالله زيدتـــــــــــه
سبع معجزات ربك سوه بهالكون وثامن معجزة بين البشر انتــــــــــه

تحياتي الكم واتمنى تنال رضاكم واستحسانكم
ولا تنسون تره بعدني مبتدئ ف عله كيفكم باطلاق الاحكام عله القصيدة

ثامن معجزة .... بقلمي المتواضع 729480

عاشت ايدك وما شاء الله حلو 2:.

يسلمو قصيده حلوه
وذوق رائع

موبس ابيع الروح لاجلك ابيع العراق بشيعته وسنتــــــــــه

الحسني حسن كتب:: موبس ابيع الروح لاجلك ابيع العراق بشيعته وسنتــــــــــه

والله حبي اشوفك متعجب بس صدكني مجنت ناوي اكتب هذا البيت لان ناس كالولي بيه نوع من الطائفية ولخاطر عيونكم راح احذفه من القصيدة بس الله شاهد مابيه قصد بس لانه رهمت القافية ويه هالكلمات

أخوية الغالي اني أشكرك للتواصل مع الردود
والصراحة اني عجبتني كتاباتك ومواضيعك
لكن ما كو واحد يسوة نبيع العراق وناسة على مودة
اكو ناس حبت العراق من اجل ناسة والله

بالضبط حبيبي الغالي واشكرك اني عله تواصلك انته هم ويه مواضيعي وتحياتي الك
اتشرف بردودكم والله
بس مثل ماكلتلك مجرد قافية ووزن رهمت واني لخاطر عيونكم شلتها لان اصلا هذا البيت جان معاجبني واشكركم لان نبهتوني عليه وانشالله اكون عند حسن ظنكم

» من رحت ..... بقلمي المتواضع
» Carried Away .....بقلمي المتواضع
» Ur Leaving .........................بقلمي المتواضع
» Heart Break ...... مقالة انكليزية بقلمي المتواضع ...(( عن فراق الاحبة))
» اللقاء.... بقلمي