سوالف صدك اتغث عكوسيات

السلام عليكم

اتمنى انتوا بالف خير

طبعا اليوم اريد اسولف على بعض العكوسيات الي انواجه بحياتنا وراح اسميها قوانين لان شبه ثابته



قانون التصليح
اذا جاي اصلح شي وايدك مدهنه اكيد خشمك ايحكك

قانون الاكل
اذا بلشت تاكل وايدك مدهنه مثلا باجه اكيد موبايلك راح ايدك

قانون الصدف
اذا فد يوم ضايج ومالك خلك تحجي اكيد راح تلتقي بواحد ايحب ايسولف ايطلع روحك

قانون الجاي
اذا سولك جاي حار وتريد تشرب اكيد راح تندك الباب واحد من الجيران ايريد شغله وترجع تلكاه برد

قانون النت
اذا ظايج وفتحت النت اتريد اسولف ويه اي واحد من الاصدقاء تلكاهه كلهه اوف لاين لو النت ظعيف
وميفتح

وايظا قانون النت الياهو
اذا فد يوم بلشت اسولف ويه شخص صارلك هوايه مشايفه او شخص مهم ؟؟؟!!! المعنى في قلب الشاعر
راح كل الاصدقاء اتريد اسولف وياك وين صرت شو مترد الو الو

قانون المعدات
اذا وكع من ايدك فد شي اكيد راح ايظل يدعبل الى ان يوصل الى اتعس مكان متكدر تلوحه


ههههههههه عكوسيات اتمنى ان يعجبكم الموظوع

اشكركم للمرور والتعليقات الجميله

هههههههههههه فعلا والله


اغلبها صايرة ويايه


تسلم عيني توفي


عاشت ايدك

وايدج شكرا على المرور

هههه هم صايره بيج ساندي نورتي

منور ابن الماليه

ههههههههههه كلش حلوووه اني اغلبيه العكوسيات اعلاه ههههههه صايره بيه

مشكوووووووووور هوايه هوايه هوايه هوايه

روعه حلوه عاشت ايدك

احلى شي من اتريد اتسوي مكالمة ضرورية واتشوف البطارية طفت