نائل مظفر - يحبك كلشي بيه

يحبك كلشي بيه او كلشي احب بيك
او ما اكدر اعوفك موبدية
تمدنه الروح حبه وطب الاجساد
وحس خلت خلية تحب خلية
ما اخاف اعله روحي وانه بالجيش
اخافاً لاتخاف انته عليه
تمر بيه الشضية او امسح النار
وكول الفات خدك مو شظية
ما اكدر ابد اتنكب سلاح
احس مثل الخيانة بهالقضية
لان بس انته نايم فوك الجتاف
او صعب تاخذ مكانك بندقية
سر الليل كل ما حفظة انساه
وإحتارت الوادم كلهة بية
لحد ماصار اسمك انته بهواي
سر الليل ثابت بالسرية
وتريد تعوفني يا سرّي وتروح
انه بلياك شيطفي اشتياقي
ارسمك عالورق ما اكدر شلون
ابّياض الورق وجهك والله راقي
وحس انه غريب ابديره اجناب
واحس انه الوطن وانته العراقي
وحساً يوم تسريحي من الاكيك
وفراكك عندي اشد من التحاقي

يدللوووووووووووووووو

» نائل مظفر - المسألة
» نائل مظفر - يوسف طاح
» نائل مظفر - الخائنة
» نائل مظفر - تانيتك
» نائل مظفر - الحكمة