" " * * التَخَرررررررُجْ * * " "

كلما يبدي عام جروح بينه أطيب

ويلتم على بعضه الخاطر المكسور

وحفلات التعارف تلم شمل الناس

من نقيم حفله يشاركنه طيور

بياض گلوبنه تحول على القمصان

من تطلع شمس من عدنا تاخذ نور

بالقاعات عشنه ورود ملتمين

مشيوله الحواجز ماكو شي محظور

من يغيب واحد نختنك ونضوج

تبجي عيونه وبينه الأنفاس تفور

نكل لروحنه خوما مزعل فلان

أله ثلمه بـگـلبنه وچنه حفر محفور

وعلى فطرتنه چنه أنبوس الستيجات

چنه ندري نتفارگ والأيام تدور

وظل الأماكن تبـچـي ع الـطلاب

متوحشه الحدايق والقسم مهجور

وين احبابنه العاشو ويانه سنين

استعجل المخرج حتى ينهي الدور

ماچان الحساب نفارگ أجمل ناس

وتعوف الدفاتر فارغات سطور

وحفلات التخرج بيهه گت دموع

دمعه بأيدي شفتَهَ تحول الطبشور

شَـَگل لصاحبي؟؟ع الخير الله وياك

واني بخدي حافر للدموع بحور

أساتذتي ... أصدقائي ... القلم ... الأوراق

... الممرات ... الحدايق ...كل شبر مذكور

أمنا الجامعة طيبه وحظنها چبير

وبأيدك تحط لمن تجيها تزور

علاقتنا ذهب موكل علاقة أدوم

علاقة أهل ريف بخبزة التنور

علمتنا ألوفه بكل درب نمشي

وجَمَعَتَناَ أصدقاء بغير صحبه ازور

شلون نعوفها وليامكان نروح

بس هي الحياة .. الأرض كلها گبور

ما ردنا التخرج خل نظل عمال .. بس المهم نبقه وما نرد للدور

ما ردنا التخرج خل نظل عمال .. بس المهم نبقه وما نرد للدور