نائل مظفر - الدنيا غابة

قصيدة الغابة هي رد لمقطع قصيدة قال فيها الشاعر واصفاً الدنيا :
الدنيا غابة
وجنت اصنف بالبشر شي ثعالب شي سناجب شي اسود وشي قرود وشي ذيابه
والغرابه وبعد كل هذه الطلابه تالي طلعغت ماكو غابة !!

لكن هناك من سأل نائل مظفر هذا السؤال :
ليش جنت تشوف الدنيا غابة ؟
ومنو انطاك الحق عليهم ؟
شي تصنفهم اسود وشي قرود وشي ذيابة ؟
والغرابة بعد كل هاي الطلابة هسه جاي تكلي سجل ماكو غابة ؟؟

فبدئت القصيدة كجواب للسائل حيث يقول نائل :

ماكو غابة ولا غرابة
والاصناف اللي شفتهن حيرتني شما اكلب بيهه تطلع لو ارانب لو ذيابة
وماكو بالغابة سبع .. لا شفت بس واحد سبع
باوعتله وابتسملي ..ردت اضحك بس بجيت لن طلع مكسور نابة
ماكو غابة ولا غرابة
دنيتك اصلاً طلابه
اليفك بابه يطير ليش واحد للهوى يعرض شبابه
واليسد بابه الف واحد يرصدة .. عندة حسبه وساد بابة
وكلة اوراق وكتابة
لكن انت تريد تحفظ بابك ومحد يرصده ؟؟
مسألة كلش بسيطة
لاتفتحة ولا تسدة ولا تشلعه ولا تردة
شكد خطية العندة باب يصير نقمة الباب عندة
لكن الاكثر خطية ويستحق نبجي عليه الباع بابة وخلة بردة
ومو غريبة
كلشي بالدنيا تصادف رغم فقري ورغم صغري كلشي شايف وكلهه سهلة
ناس ترخص .. ناس تغله
ناس تنصة .. ناس تعلة
شفت جيش بدولة ضاع .. وشفت واحد صار دولة !!
وشفت واحد هو ضاع .. وشفت واحد يضيع اهلة
وشفت واحد ربة واحد.. وشفت واحد ربه مية
وشفت واحد ربة درهم .. وشفت واحد ربه لحية
وشفت واحد سوة كرسي .. وشفت كرسي سوة واحد
وشفت جف زايد اصبع .. وشفت جف كلة زايد
وشفت مية ابيت كعدوا .. وشفت بيت بوحدة كاعد
وشفت بيت عيب اكتبه .. وشفت بيت بست قصايد
كلشي شايف كلشي عايف ما اخاف
لحد يراويني سيفة .. ولايجردة ولا ينظفه ولايصقلة ولايبردة
لأن صدك من يهدة احسب شجم راس كاطع ما علي جم مرة حدة
وخلي كلمن يحجي قصدة
لاتراوغ بالكلام وياي صير حجاية وحدة
اني اعرف اللي يحبني .. ماكو روج تحبة سدة
ولاتكلي استريح .. مبينه كلمة استريح من تجي ومعناهه طردة
واياك تنغر على واحد ياجبل لومهما تعله .. لان بس يصعد عليك يخلي راسك جوة رجلة
واني كتلك كلشي شايف كلشي عايف ما اخاف
اني ابن ذيج المضايف
اني ابن هاي الصرايف
عمي ياابن القصور شبيك وية اهل الصرايف
ياهضيمة وياحسايف انجفت كل الدلال وطاحت ضلوع المضايف
عمي كافي الخاطر الله طفي عودك لاتشعلة
احتركت القرية بكبرهه وانت بالنار تتسلة
بس اكللك كلهه سهلة
ذلت النمرود نملة لو بعوضة ؟؟
ما علينه المهم شبعته ذلة !!

منورين الموضوع
شكرا عالمرور

» نائل مظفر - باب العتاب
» نائل مظفر - جرح الفقير
» نائل مظفر - انت تحلم
» نائل مظفر - كلبك جلد
» نائل مظفر - تفاحة ابن ادم