جولة في الابوذية

شلونكم شباب ان شاء الله بخير
اليوم جبتلكم كم ابوذية بلكي تعجبكم ابديهه بمعتز المياحي اليكول:

شهر ماي اني اشربنج شهر زاد
اشربج والاميرة انت شهرزاد
شهر عمري نكص عمرج شهر زاد
شهر مصبرتي رأساً خنتي بية

احبك مو الف مرة.. ملايين
بعرسك ناوي اعزملك .. ملايين
وتجيهه الناس وإتشمر.. ملايين
واني وياك بالوارد سوية

احمد الذهبي يكول

نعيت عليك بغيابك نعي ام تاه
ابنهه وناطرت ربك نعمتاه
تسل تاه الكلب بعدك..نعم تاه
وصفيت اعمى وضرير يقود بية

سر مخفي بحسنهه حاجباهه
وخط الطول يمكن حاجباهه
خاف عليهه ابوهه حجباهه
شمس وتحجبت شيصير بية

جبار رشيد يكول

التعب والضيم جنبي الراحة جنبك
شتضن من نار كلبي راح اجنبك
دور العقل خلّص راح اجن بيك
واموت بعشرتك وابليك بية

عنيت وبس عليه الجدم يعني
ولاغيره الكلب بالنار يعني
اكله شكد تحبني يكول ..يعني؟؟
شنو اليعني منو يفسرهه لية

وعبد الحسين الحلفي يكول:

يمتى يضعفن اشواكك..سبق ون
عليك انحب وواون و الون سبق ون
لا تحلف لأن قبلك سبق وأن
حلف ان مايخون وخان بية

عيوني غوشن ما شوف قفلن
وبس عليك كلبي انقفل قفلاً
تريد تروح لا لتروح قف لن
شكل للناس قد راح من ادية

فر راسي ودخت والكلب ياماي
يبوية منين هذا انخلق ياماي
طين وماي لا ياطين يا ماي
طين وماي هيج يسوي بيه؟؟

واخيراً اختم بأسم شهد الشمري

انه من الشعر عندي شهدتين
شهد خوخ البعض كالوا شهد تين
شهد لو بالوطن مثلج شهدتين
جا كعدت الدنية وهاي هية

تحياتي

عيوني قبل كلبي كلمنــــــــكم
وانة المايوم كلبي كل مـــنكم
وانة اللي صار بية كلة منكم
لان انتم لعبتم طوبــــــــة بية

تحياتي الك على الموضوع الجميل تقبل مروري

مثل طير وصعد لبعيد عله
وعساه يرد اليه النوب عله
حبيب الروح حط بالروح عله
واكولن حيل كل هذا من ادية

شكرا عالمرور

حلوة صديقي..... عاشت ايدك

انه من الشعر عندي شهدتين
شهد خوخ البعض كالوا شهد تين
شهد لو بالوطن مثلج شهدتين
جا كعدت الدنية وهاي هية

يسلمووووووووووووووووووووووووووووووووووووووووو جولة في الابوذية 204174

انكسر كلوب الجسد وياي مانار
وكعدت اعد اجروي بيدي منار
خربت دنيتي من اعشكت منار
انا اسئل وهيه ماتسئل عليه

محه همومي لجن لتظن محا ضر
وبوكته الفرح سجلني محاضر
اذا بالعشك درسني محاضر
ماظن بعد الكاله مناظر
لأن كل نظرة بعيونه مناظر
شاف الفرح ما شايف منا ضر
وبهمومه المصايب وانسني
عفت حته الذكرني وانسني
بالحب ماكو شيعي وآنه سني
كلام التفرقة يحط مرّو بيه
واصيح بعالي صوتي مرّو بيه
تسألني عليمن مرو بيه
عليهه الكلب تايه ساعي وحده
وعبر سهر الليالي ساعة وحدة
لون احظه بودادك ساعة وحدة
ادمج دمي وي دمك واخط بي
واسجل كل حرف باسمك واخط بي
دوائر حبك بعمري وخط بي
واحبك والله صدك حالف آني
وو لامرة زماني حالفاني
حالي شحاله حالي حالي فاني
لأن نيزك ضوه بوجهك ولشهاب
وعطرك مو عطر جنه ولشهاب
هدية عمري اهديلك ولشهاب
اهديلك حياتي وساعة مني
ساعة تصير منك ساعة مني
ساعة احلم بشوفك وساعة امني
اذن ما رايد بحبك مصالح
حته الصالح يكلك مصالح
تتوسل علي تكبل مصالح
و تريد ارتاح وتكلي أمر لك
وتجيني اليوم توعدني أمر لك
ما اعرف طعم حبي أمر لك
ما اعرف طعم شفتك وفضلك
سري انباح كدامك وفض لك
دبسك عاد خلصني وفض لك
بايع ثكل لو تلعب عليه

منقول