ااااابوذيات2

سوادين

يمن شايل على عيونك سوادين
سوى بفلوس تنظرلي سوى دين
صاحي وشيلت عقلي سوادين
بسبب حبك يهل مشتول بية

همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية

ويافيت
الحزن لايك على قلبي ويافيت
فت قلبي ومع حيلي ويافــــت
خفت ونتهت كلـــــش ويافـت
أشـــم بلذيل والرأس البليه

بربعينه
نكعنه من دمعنه وبر بعينه
علي وبكصته جنه وبر بعينه
اذا زاره محمد بأربعينــه
ويه المشايه اجت تمشي الزجيه

الدمع مرات مو بس حزن يعني
ثكيل وبس عليك الجدم يعنـي
سألته عن احواله وكال يعني
ومعنى اليعني مالك شغل بيه

ابد ما همني جيشك ** وكتساحه
لان من صغري طوبه ** وكتي ساحه
وك اخجل لا تباوع ** وك تساحه
بستني وكلت لخواني عليه

********

ابوس خدودها اتمنه ** واشمها
بزنودها يصير ريت اسمي ** وشمها
شنو ابوها الي مانعها ** وش امها
ابد ما اعوفها الحد المنيه

*********

امس حلمان وبطيفي ** شفتها
واسف ما لاحت شفافي ** شفتها
مريضه وابَوسا من عندي ** شفتها
والمها اندار كله وصار بيه

*******

مره ابتعد عنه ** مره اتاني
مره العسل منه ** مر اتاني
مرفه بغفل بسته ** مرتاني
مره من الشفايف ** مره كصته
مره احجيله كصتي ** مره كصته
مره اشبع بطوله ** من ركصته
مره ابدربي اول ** مره اخيره
مره انطيه روحي ** مره اخيره
مره انطيته فرصه** مره اخيره
اذا ما يعتدل اعشكلي ميه

عاشت ايدك يا ملك حلوة وكلش حلوة
نتمنى المزيد منك
تقبل مروري

تحياتي :: علاء العزاوي

يسلموووووووووووووووووووووووووووو