ااااابوذيات

يكلبي الي تحبهه رابطلهه
وحرز بالروح صدك رابط الهه
انا الشاعر واسوي رابطه الهه
وخلي اهل الشعر تحتار بيه

بعدك كمت اسوي النوح ويبات
ولاخلي دليلي يهيم ويبات
الحزن طول الليل وياي ويبات
بفراشي ويسولفلي عليه

وعليا
روحي والكلب طيرا وعليا
ووضعو نقاط الحسن ع البا وع اليا
ما وصلو لحسن الحلو سوسو وعليا
لان حسنو ترة وحدة قضية

سوسو الي مثلت بمسلسل كوسوفي
وعليا بمسلسل عليا

يروحي انتي التحبينا ولج مات
شبعتي جروح من حبة ولجمات
مامات الكلب بس لجلج ولج مات
شهيد ويحق لطمج علية

سدة
أريدك ذرى وسدة فوگ سدة
والباب اللي يجيب الريح سده
اناأعرفك للستر والعفة سدة
أنت أبن الأصول أبن الحمية

اريد ارگب على روس العوالي
ودور عل المناصبهم عوالي
يذيب البيد جاوبني وعوالي
ترة روحك مثل روحي شجية

وحق الالف وي اللام والهاء
احبك من صدك مو لعب والهاء
محبتك اثرت بالروح والهاء
امر نافذ على روحي وعليه

نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه

روحي بشوفتك ماعت ولانت
لا ضل بية برغيولانت
بعد لاحاسبة التنفع ولانت
اذا قافل ايميلك بس علية

الكلب ضل اهو وحده ورباه
يتيم او ماله واحد ورباه
منو مثلي اخذ جرحه ورباه
وكبرنه اعله القهر احنه سويه

شتظن روحي تملك من تملهه
ولاغيرك حبيبي منتمي الهه
والك السفينهالتغرك من تملهه
ولك مالت يخوي الحك عليه