طفولتك كيف كانت

موضوع روعة جبتة الكم

واتمنىمن الجميع المشاركة


نتساءل نحن والذكريات دوما عن سرٍ ..!!

هل كنا أطفالا نلعب / نضحك / ونلهو ...؟؟

أم كنا طيورا .. فوق الشمس نحلق /نُغني /ونطير ..؟؟

هل كانت أيامنا أسراب حمام وهديل ..؟!

أم كانت أوهاما .. وسرابٍ في الأرض يسيل ؟!

يسكننا فرحٌ وحب كثير

يجهلنا حزنٌ وهم كثير

نجري كالنهر ونرقص كنسمات عليل !!




تلكـ هي الطفولهـ

تحمل الكثير من المواقف والذكريات

ويخالطها الحزن تاره والفرح تارة أخرى



ولكـن ؟؟

تبقى الذكريات هي سيدة الموقفـ ؟؟







نشيد او اغنية كنت تحبه أيام الطفوله ؟؟
::::
شخصيه كرتونيه كنت تحبه ؟؟
::::
شلون كنت ايام طفولتك شيطانيه ولامؤدبه ؟؟
::::
ماهي الموقف اللي عرضت فيها اهلك للاحراج؟؟
::::
هل كنت شخص ذو شخصيه قويه أم مغلوب عليه ؟؟
::::
موقف حصل في طفولتك كان له دور في تغيير مجرى حياتك؟؟
::::
اكبر عيديه جمعتيه كم ؟؟ ومن منو ؟؟
::::
منو كـان يدلعك أكثر أبوك او أمك ؟
::::
اســم دلعك بالطفوله لحد الحين ينادونك فيـه ؟؟ وماهو ؟؟
::::
بطفولتك كنتي تبكين إذا ماجلستي بالاول بالطابور اوالفصل ؟؟
::::
عندك لعبه موجوده من صغرك إلى الآلآن ؟ وماهي ؟؟
::::
شنو اكـثـر حلاوة كنـت تحـبينها ..؟

اغنية او نشيد ممكن دعاء التلميذ

شخصية كارتونية

اكيد سالي

اكيد اكو مشيطنةاشوية بس لا هادءة

لا ماعتقد لان جن ماطلع اهواية

اكيد مغلوب عليه(اصغيرهم خادمهم)

الكثير من المواقف واكثرها عندما كونت بيني وبين اختي صداقة

مأذكر بس يمكن 5000 دينار اكيد من جنت اصغيرة
ومن الكل ماذكر

الثنين ادلعوني دعدع

اكيد جنت ام دميعة

والالعاب كثيرة ومجودة لحد الان


حلاوة دهينة وشكرية واكيد ازلابية

والمدرسة نسيت الصراحة

سلام ارجوووووو من الجميع الرد

كنت احب نشيد بلقراءة ايها الصف وداعا من صغار اوفياءواحب اغنيه لمحمود انور والله ومحتاجك ياخي عندي مثل الهوى والمي واذكر جنت اردد اغنيه الساهر اشلون اودعك يلعزيز ونزلت للبحر وها حبيبي.......وكنت احب شخصيه كارتونيه جورجي ودايسكي وهيكارواهههههه...وجنت كلش موءدبه عاقله وهادئه...وشخصيتي جدا قويه مااحب يضيع حقي غير اتخبل هههه...اكبر عيديه جانت 1000 لأن جان كبير هذا المبلغ من اخي الكبير........واكثر امي جانت ادلعني.....ويدلعوني سسو ولحد الان الكل يدلعني بهذا الدلع حتى صديقاتي....وعندي لعابه اخويه الكبير جابلياها ولحد هسه محتفظه بيها وجديده وكأنو مالاعبه بيهه....هههه وجنت ولحد هسه احب المصاصه والدهينه كلش.....ومااذكر مره معرضه اهلي لأي احراج....وتحياتي لك على هذا الموضوع ياورده.....

اي عادي تكدرين تصيحيني توفي..بس اني جنت عاقل وهي مرة وحدة كسرت سنه هههههههه لان اتذكر ضوجني كلش وهو بدة العركة..تحياتي

اني جنت احب نشيد اسمة البلل الفتان .. وجنت احب كارتو توم اند جيري .. اني جنت كلش فقير و شاطر بس اذكر موقف كسرت بي سن بنية بالصف الثاني ابتدائي .. و اترشحت لخمس سنوات نائب القدوة بالابتدائية .. اتغير مجرى حياتي كله من سافرت لسوريا واطلعت على الحياة اكثر .. اكثر عيدية جمعتهة وصلت 100 الف دينار من جدي .. اسم الدلع هو عموري الى حد الان .. عندي مجموعه من السيرات جنت العب بيهة من جنت زعطوط و بقت عندي جم دعبلة .. اكثر حلاوة جنت احبهة هي البرمة وحلوة شعرية .. تحياتي الج يا نور المالية ويسلموو على هذا الموضوع الحلو

اني جنت احب نشيد وطن المدا         وجنت اب كارتون كليندايزر وكابتن ماجدوجنت حباب بالمدرسة وشاطر بس بالبيت وكحوالموقف انه اني كسرت الجامة مال بيت الجيران بالطوبةواكبر عيدية جانت 1000 دينار من جدي  اسم الدلع حسوني ولحد هسة  اكثر حلاوة حبيتهة ولحد هسة هية البقلاوة والزلابية وهواية عندي ملاعيب باقية واكثر شي سيارات 


تحياتي الج  يانور المالية  (دعدع)
على هذا الموظوع الرائع الي ذكرنة بايام الطفولة والمزعطة ايبااااااااه لو ترجع!!!!!!!!!   





    


       

والله اشكر كل واحد ذكرنة ايام الطفولة الخاصة بي

اشكر الجميع

سلام وتقبلو نور المالية

مشكورة لردودكم الحلوة

واحلة ايام ايام الطفولة

سلام

حلو الموضوع عجبني
واغنية كاظم كنت دايما ارددهة ياليل لاتنتهي والنشيد وطن المدا هههههه رجعنة لايام كبل خخخ
وشخصية كاتونية هي ساسوكي كنت احبة كلش واني فعلا ماكنت ابد مشاكس هادئ بطبعي ولحد هسة
ههههه تعاركت بالاعدادية والمدير صديق ابوية وبوكتهة اجاه للمحل مالتنة وكام يصيح ليش ابنك متعارك مو عيب....... خخخخخخ شكد عيب فضحني بوكتهة
والشي الي غير مجرى حياتي هي مو بالطفولة انما عام 2006 من اجلت سنة وسافرت للشمال مع العلم اني دايما اسافر للشمال وسويت نقل لاربيل وتغيرت كومة مفاهيم كنت غلطان بيهن وكأنما كنت مغمض طول عمري وفتحت عيني مترين هناك
وكنت احب حلاوة شعررررررررررررررررررررية ولحد هسة

اسف اذا طولت وشكرا على الموضوع