نحات اعمى

بطل لاتدك هيهات افكلك باب
مفتاحي شمرته وبابي قفلته
ولتنادي تعال امنيلك ياصوت
واذاناتي طرش وسوالفك سكته
ومتعجب ابدمعك على اخدودك سال
ولك دمعي سمه وعلى الكاع نزلته
ما شلته ابجتف حملك ابيوم الطاح
حملك ليل بس اعيوني شايلته
وابد ما انسه فضلك يوم مرني العوز
جبت ثوب الملح لجروحي لبسته
مو اربع مواسم حتى اعرف البيك
الك ميت طبع ياطبع بدلته
طبعك طبع بوم وكلت لاعصفور
غشيم وصدكت وبفكري وكرته
ماشايلي ساتر كلب عندي اشبيك
ولون ساتر حرب هم جان مللته
انديلك دفو كل مايمرك ليل
والك صوت الصبح فيروز غرته
حيرني كلبي جرحه ابكبر فركاك
اشما رايد اضمده اتلجمه عاطفته
كبل بس الك شعري وما اسمعه الناس
هسه اليسوه والمايسوه سمعته
باوع باب بيتك تلكه ظل انسان
هذااحساسي من امشيت وكفته
واني نحات اعمى وانحت ابتمثال
اخليله نضر واعيوني فاكته
ونصحت اشكد كبل بس ماخذيت الراي
كلب العثرك شوف اشكبر بخته
وهسه اتندمت بس ياندم بعد ايفيد
معضد جنت بيدك وانت ضيعته
مانرجع بعد وانت الذي اختاريت
كونك عد كلمتك كول فاركته

حلووووووووووووووووووووووووووووووووة حيل
بس هاي الك لو منقول؟؟؟؟
عموما حيل حلوه

عاشت ايدك وشكرا .....تحياتي