المطارده الشعرية في الدارمي ...

هلوووووووووووووو شباب شلونكم اليوم جبتلكم مطاردة بالدارمي اني اكتب دارمي والي يجي وراية يكتب واحد ثاني بالحرف الي انتهيت منة
واني اكول:
شكد حاولت انساك وامسح حروفك
تاليها بالدلال كل لحظة اشوفك

الكاف

كون الكلب بيه رام مانمت مجروح
حتى أفتح أبلوتوث وارسلك الروح

التاء

تغيب وتظل بالكلب واشتاق لهوساتك
وعالبال تظل صورتك

كلش عزيزة الروح تدري أنت عنهه
بس الك فدوة تروح جي أعز منه
سارة انتي مجلبة بحرف الكاف كل دارمياتج تنتهي بالكاف

تحياتي

ها ناسي ها مليت هل لو قرولك
لوشفت غيري يلوك طولة وية طولك...

كالوحبيب الروح مل منك وراح ... كلتلهم الله وياه بس كونه مرتاح

حاء
ولايهمك مدريدي غيرتة سويتة حاء

حبك مرض بالروح وبدمي يسري

غيرك فلاحبيت بس الله يدري

حرف الياء

يتشابهن بالضوكـَ ملحك وملحي
بس آنه الك بالزاد وانت علجرحي

* يلتنشد عله الروح بالك تذلهه
لا تطلب الحاجات الا من اهلهه

هاچ الگلب اخذيه دفتر للدروس
وعيوني من تقرين سويها فانوس

حرف السين

سالم اريدك دوم يارفعة الراس
الدنيا كلها بخير لو مثلك الناس...
الله ع هذا التواصل الجميل

سلم ولو بالعين تكفي الاشاره

روحي ابتلت بهواك سويلي جاره

حرف الهاء

هم شفت هم سمعيت باللادة تبريد .... ويم نقطة التفتيش أمريكي واكف ؟؟
هههههههههههههههههه
عنوني حرف ال((الفاء))
بس هذا دارمي شوية تحشيشي يمشي لو اسويلة عملية

هههههههههههههههههههههههههههه رحأمشي بس هلمرة زحف
فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه

عيني لاتشلعين كلبي فدوة لعيونج بيت دارمي مو ابوذية شحال لوما انتي اللي منزلة الموضوع

حبك يبعد الروح غير كياني
اشرب عرك بجفاك حسبالي ميزو

هاي بس للضحك مو تصدكين يلة رجعي على حرف@@@ الفاء@@@

هاية وحدة من عندي ويسارة انتي ابدي بحرف الفاء

هلكد حلاة حط بيك سبحانة قادر

بس الحلك موضوع يترس دفاتر

فدوه اروح لعطر وممشاك

يايوم الاشوف وامشي انا وياك

كبل الممات بيوم أحضرني يهواي
بيدك تغمض العين وبيدك تنكط الماي

يسمر يبعد الروح كافي البعد طال
امن الهجر وية الشوك اتماطل امطال
اللام

لافرح مرلي اليوم من شفتــــك انه

والگلب ضل حزنان باقــي ابمكانه

حرف الهاء

هم جرح وتهم بيه وتكلف الناس
جروحي متصلات من بهامي للراس

حرف السين

سبحانة من سواك سبحانة ربك

خلانة مزدحمين دوم على دربك

حرف الكاف

كافي وشيلي الزاد بالهم تغديت
ومن جابو طاري هواي بالزبدة غصيت

تجفي وكلت معذور صعبه ظروفه
دكت رجلها الروح هسه ارد اشوفه
حرف الهاء

هم شفت هم سمعيت هم مثلي حالة؟؟
حته السمج بالماي يبجي على حالة

» حوار الدارمي في القطار ...
» اجمل المقتطفات الشعرية
» احلى الومضات الشعرية
» المجموعة الشعرية الكاملة للشاعر نائل المظفر (حصرياً)