*علم دار* عضو ذهبي
عدد المساهمات : 1394 تاريخ الميلاد : 22/07/1988 العمر : 36 تاريخ التسجيل : 25/02/2010
| موضوع: مو كافي حزن ياكلبي كافي (كلمات رائعة ومؤثرة جدا) الخميس 4 مارس - 20:30 | |
| موكافي حزن موكافي عاد دموع ياكلبي اليحبك عافك الوحدك
لاتنزف بعد بطل تحب وارتاح حلو يعني الدمع من يجري بخدك؟؟
لاتأمن شمس لوجان طبعك ماي اذا تكلك اشيلك يمي وتصعدك
لان صدك بخارك من يصير غيوم ماي اعله الارض متندم تردك
ضم وردك بعد ليشوفه هذا وذاك وبحجة يشم يكطع نبض وردك
ياكلبي اليحبك خله بيك جروح ولزم كل ذيكرياتك بيهن يجلدك
فرش كاعك جمر من واعداك اتطير وكص اجناحك وفوك الجمر هدك
يفزع بيك اجاك وينخه كوم وياي واول ماكمت رأسا وكف ضدك
من شافك حضن دافي وتحضنه بحيل كلك فدوه ضل محتاج انه الودك
ومن يطلع صبح يدفر ودادك ذاك لأن بس بالليالي يريد يتوسدك
رد الحالتك ياكلبي وانسه الصار مشتاك الضحكتك والله مفتقدك
عنك ماسأل ماكال يمكن مات ولا كال احتييه ولا حاول ينشدك
ولا هزه الحنين وكال جاني الليل ولا مره ذكر ضحكاتك وصدك
بس جاوبني كلي تحبه بعدك ليش ولك بطل دعوفه امن اشتعل جدك
هو العذبك هو الجواك وراح اي ليش شبيك المن توفي بوعدك؟
كطع جذرك غفل منك صنع ناعور وتسكي امثالك انت اليوم من زندك
المن باقي كلي شبيك وشعندك ميحبك بعد ضل عايش بوحدك
تحياتي .. | |
|
احمد I-T مشرف القسم الأدبي
عدد المساهمات : 3496 تاريخ الميلاد : 28/05/1989 العمر : 35 تاريخ التسجيل : 04/07/2010
| موضوع: رد: مو كافي حزن ياكلبي كافي (كلمات رائعة ومؤثرة جدا) السبت 7 أغسطس - 22:55 | |
| يسلمو علم دار القصيدة روعه بالكلمات الاوزان مضبوطة وصحيحة والوصف رائع | |
|