اسرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه
وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه
بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه
مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه
وصـل
يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه
________________________________________
تعال احسب بهمي عده انته
وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه
@#@#@#@
عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه
@#@#@#@
اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه
@#@#@#@
اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه
@#@#@#@
والاكدار
حلو طعم الحزن لاجلك والاكدار...(المكدرات)
بس ال كربـــلا دمـعي ولك در...(صب دمـعي)
ِبگلبي ما بقى مـسكن ولك دار...(لك بيــت)
أسيْر اعليه صرت صبح ومسيّــة
@#@#@#@
احوك بثوب حسنك وانسجنه
بجهنم حبك ارضهووانسه جنه
انحبسنه بقفص عينك وانسجنه
وتحط رمشك كلبجات باديه
@#@#@#@
سليته
حُبي على گلبك ياحُبي سليته ............. سحبته
وإنته جسمي من فرگاك سليته ............ مرضته
تدري شجاوبني گلبي من سليته .............. سألته
يگلي أحبه وفرگا تعني المنيه
اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه