بالصدفه \\ عريان السيد خلف \\

بالصدفة ..
ذوبت روحي ابخزرتك ..
والروح ..
كلش ترفه ..
حتى المفاصل .. والضلوع اتناوبن بالرجفة
وك روحي وصلة بور .. يابو الفيض
والبور شوكت يتكفه؟؟
او شنهو انه ..
لو شعرك ابهبة ريح
طار..او هفه
ملهوف ..
وانا وياك ..لبلابات
كلهن لهفه
نتلاكه ..
يلوينه العطش والورد ..رشفة
برشفة
او بهداي بالدوسك غنج..
روح المتيم ..خزفه
سنتين ..
وانه اتناك ياتموز ...
صاير حشفه
وانطبخ مرات الثمر ..
او طبخه اليابس ..كلفه
وبلجي المورث يطفه ..
او جانت كبل ..روحي ثجيله
وبالمعانك تجفه .. واصبحت كلش ترفه
تعلعل اعله الزين ..ويلمسه معاتب
تشفه
او تذري ..
اويه كل بسله شعر..
تلعب اشويلي ابزلفه..

يسلموووووووووو

عاشت الايادي

يسلمووووووووووووو

تحياتي