تغريد قصيدة

ياللي خذا شعره من الطير تغريد
ومن مدلهم الغيث صافيه لا جاد
ومن كل روضٍ عله السيل ترديد
ريح الزهر ومداعب الريح الأفناد
ومن كل صبحٍ بدد الليل تبديد
دفا الشعاع وفرحة النور لاباد
جاني قصيدك مثل عقدٍ على جيد
الجادل اللي كلها زين وعناد
ما هي من اللي يدلهون المواعيد
حشا ولا هي في الهوي صيد من صاد
وتلفتت روحي لحسنا من الغيد
واشتب في قلبي من الشوق وقاد
ولمست قلبي لين كله تجاعيد
شاب الهوى يا ليت ما فات ميعاد
يا بو حمد ما عادلي في الهوى سيد
وغيره فلا والله ما نقبل اسياد
وين الذي وصله على العين تسهيد
( ولا ودي اقطع درب لاماك برقاد )
يابوحمد وين وصلتنا التناهيد
ضاع العمر ما بين قرطاس وامداد
وانا احسب الشعر صعب المواريد
ماهو غديرٍ ينضحه كل قصاد
يوم امتلا هالجو حشو ومفاريد
راع الجمل معذور لو كسر إشداد

تسلم اخويه وعاشت ايدككككككككككككك
تقبل مروري

يسلمووووووووووووو

يسلمووووو

يسلمووووووووووو

يسلمووووووووووووووووووو