يا عراق << قصيدة للشاعر ((رحيم المالكي))

يا عراق << قصيدة للشاعر ((رحيم المالكي))
يا عراق

يا عراق الطاح فدوه وما أنحنيت
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني

الشاعر العراقي رحيم المالكي

حلوه ويسلمووووووووووووووووووووووووو

يدللووووووووووووووووووووو
انت الاحلي

يسلمو يا مبدع..تقبل مروري

يسلمووووووووو عاشت الايادي

يسلمو
رحمك الله ياشاعر الفقراء واليتامى

» قصيدة للشاعر نائل مظف
» يا عراق سيد التاريخ
» هذة جزء من قصيدة بلقيس للشاعر العظيم نزار قباني أعجبتني كثيراٌ وارجو ان تعجبكم
» يا عراق
» (عراق الخير)