(قمر العراااااااااق)

يا قمر..(شعر شعبي عراقي)



بهيده على بختك يا كمر .. مساهر واريد اشكيلك



انه غريب ابدنيتي .. مضيّع وادور ابليلك



عن ربعة اهلي ، ودلّة الديوان ، ومواويلك



عن ضحكة البربين لعيون الدلو



عن رقصة الصفصاف والماي الحلو



عن صحبتي، وخلاني , وعيون النهر



بهيده على بختك يا كمر



***



يا غربتي ...



غربة عصافير التودع اعشوشها... برفّة جنح



ويا دمعتي ...



دمعة الكاع التبكي موت اهروشها... بجيت الملح



يا دار اهلنا الطاهره ... مر العمر



عيون اليحب امساهره ...ومامش خبر



بهيده على بختك يا كمر

***



وك يا كمرنه مروتك ... حنّي الشواطي بدمعتي



كلهم كبرت اعله الصبر...والونّه صارت غنوتي



مشتاق ابوسن دجله... واشرب مايها



واعزف ترانيم المحبّه بنايها



دجله الهوى ، والسوق ، والحب ، والسهر



بهيده على بختك يا كمر

كلم حلو ومؤثر \\ عاشت ايدج
وتقبلي مروري

والله واتشرف بيكم نورت المنتدى وبالاخص مواضيعي
تقبلوا اجمل التحيات مني

يسلمووووووووووووووووووووووووووووووووووووووووووووووووووو

يسلمووووووووووووووووووووووووووووووو