يبه وينك ..؟؟!!

يبـه وينك ؟؟
ولهت لنظره من عينك ....
يبه وينك ؟؟
اشوفه طوّل غيابك !!
و من ودّاك .... ما جابك !!
قالوا ما يدوم الزين !!
و انا عندي امل للحين ..
و لا كني اعرفك وين !!



يبه وينك ؟؟
عسى الداعي يبه بس خير ؟!!
عساك بخير ....!!
مداين تكرم لعينك ...
بس ارجوك علمني ...
علمني .. يبه وينك ؟؟



سألت امي عن رجوعك ...
ولا كني اعرفك وين !!
و قالت ..
ما يدوم الزين !!
و انا .. عندي امل للحين ..
في رجوعك !!
يبه بس تكفى علمني ....
متى رجوعك ؟؟
يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك



يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت ..
حسافه ...
ما يدوم الزين ...
مع كل هذا صدقني ..
انا عندي امل للحين !!



سؤالي عنك يالوالد ..
صبح موال
و اشوفه طال ...
والله طال ..
حزين .. بلحنه و حروفه ...
يخاف .. يموت من خوفه ...
و قلب ٍ كان اقوى قلب ...
ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي ..
و تدعي الرب ييسر لي ..
يبه ..
ما عاد بي من حيل ..
وين الحيل ؟؟
و انا اشوفك نهار و ليل ..
مع اني ادري ما ترجع !!
غريبه .. بعدها تدمع ..
عيوني من هموم البين !!
و ادريبه مكانك وين !!
مع َ هذا .. ارد و اسأل !!
يبه ....
ووووينك ؟؟
و لا كني اعرفك وين !!



شبكت العشر في غيابك ...
على راس ٍ كساه الشيب ..
و من وداك ... ما جابك ..
و لا ادري وش يخبي الغيب !!
و جرح ٍ عذ ّب احبابك ....
يبه ..عيّا يخف و يطيب !!



يبه.. كل جرح في الدنيا ..
مصيره بالدوا يلتم ...
و لكن البلا من جرح ..
نزف فرقاك ... بليّا دم !!
و هذا الفرق في جرحي ...
عجز يلقا الدوا دكتور ..
انا جرحي غريب الطور !!
ينزف ... بس بليّا دم ..
و زاد الهم فوق الهم ...
و دام انك يبه غايب ...
جروح الغيبه ما تـلتم ..
بس عندي امل للحين !!
و لا كنّي اعرفك وين !!

عاشت ايدك ويسلموووووووووووووووووووو

يسلمووووووووووووووووووووووووووووووووووووووووووو

يسلمووووووووووووووووووووو