ياعراق شلون

ياعراق شلون كلي..
شلون
لي وين يبقى الجرح ولي وين
ناسك يديحون
ولي وين نبقى ندك بالبوب والعرب
بينه يطردون
ولي وين نبقى انموت وننداس
والانذال يمشون
كافي مو قبطت حتى المقابر صفه
نص الشعب مدفون
كافي تراها الروح طكت احباب كلبي
كبالي يموتون
كافي تراها العين خلصت خايف
ابجيها لعيون
كافي تراه الصبر خلص وانا مسودن
ومجنون
يكلولي الحكومه وين الحكومه ومنهو
اليحكمون
لا أياد الفاد بيها ولا جعفري ولا بطيخ
ولاهم يحزنون
كلها تحجي باسم الدين بريء الدين منكم
يامن تلغفون
ليشوف القوط يشبع ..حجه الدكتور.. الله
مالي التلفزيون
كافي ملينا الحجي وين الفعل والله لو نسوان
يمكن يفعلون
شريد احجي وبيمن احلفكم .. بعلي الكرار يمكن
تحنون
أحلفكم بعمر الفاروق بداعت الله كافي
بينا لاتفرقون
سايم عليكم محمد والرسل وكل شريف
وعاقل ومجنون
كافي لموه الشمل هونوها علينا وصدكوني
اتهون
كافي نديح بلا وطن والله وسفه ولد العراق
بالغربه ينذلون
كافي ... وكافي ... وكافي ... خل يسمعها كل الكون

روعه وكلمات جميله تقبلي مروري

يسلمووووووووووووووو

يسلموووووووووووووووووووووووووووووووووووووووووووووووو