قصيدة للوطن

انسى همومك شوية...لك هية الدنيا صارت هيج
كلمن منزويلة وخاتل بفية ....ولاتذكر فراتك يوم ولا دجلة وشواطية
بدلهن بنهر الراين المعروف وفروعة ومجارية .....وخلنا من الوطن هالساع وقصورة ومحارية
بداة بوطن نيدر لاند وشوسالة ومصارية....وخلنا من الطفولة وعمرك التعبان وسنينة ومحاجية
هية الناس نفس الناس بس تختلف باللهجات والنية.....اذا رايد صديق هنا بدل بوب بعطية
واذا رايد تشم نسمة عليلة من هوى بغداد هوانة بانت هوفن ينعش الرية
واذا رايد كهكهة وعشرة ودفو انسوان بدل ماركركيت بجهرة بهية
واذا حنيت لاغاني داخل حسن والمنكوب وكاظم الساهر ورياض احمد يغني محمداي بطور الابوذية
انا يالويل ياويلي والهوساااات ومحاظن الجوبية
دسمع مايكل شيكول من اوتار صوتة اطك تراجية
عليمن تنقهر عل فات هية الدنيا مكظية
وعليمن للصبح سهران تعد نجوم تحسب زحل وثريا وعليمن عينك ربية
وطنا الي بينينا بدمع وظلوع صفة بس للحرامية

منقول عباس جيجان

حلو وعاشت ايدج تسلميننننننننننننننننننننننن

عيونك الحلوة