معزوفه حزن وايام طرواده

معزوفه حزن بتهوفن مسويج

يا خوصه ذهب يا اجمل كلاده

يا شهكه عوافي و يا دلال عيون

اسمعي قصتي والقصه غاده

كبلج جنت خالي وما اعرف الشوك

و اضحك على الي يون من حركه افاده

و اول ما شفت عينج نسيت الروح

وصعد هم الروح واحترك عداده

غمك جرحج بكلبي و مسه مجــــنون

يفز وكت المنام ويمدد ضمــــــــــاده

دامنت الحزن وصاحبت هم الليل

ومن كثر الوله .........اعصر بالوساده

وكبـــــــل ما احب الاغاني وهسه احس

الروح تذوب بصوت نجوى وميـــــاده

وشكد حاصرن كلبي عيون الحديثات

فلت......بس من نظرتج ضاع مرشاده

احس طعم الشراب عافيه على الريج

وهسه الريج مر من كهوتي الساده

احس سويه اشابك وبالــــــــــريح

عمت عين العشك ضحك علي لاده

اصيرلج ابوج وامج بكل حيــــــــن

وعلى شفافج اصيرن نغمة الداده

هلن انتي وانه الامير ايفيـــــــل

تعالي وخلي نعيد ايام طرواده

تعالي وخلي نعيد ايام طرواده....