دااارميات مال أهلنة

تدري انه من اشتاك ارسلك دموع .... وانت بصلافة عين ماتقبل تموع
ليلي يمر سهران اتمنه ملكاك .... ومعارك ويه الروح ماترضه تنساك
غلطة وتريد تصير حجة وردتها .... لو انت طيب الذات جان غفرتها
كلما أكول انساك ارجع واحبك .... مثل الزرع والماي كلبي ويه كلبك
لو ردت عني تروح خليلي صبرين .... واحد يصبر الروح والثاني للعين
اتمنه روحي شموع وتحظر بعيدك .... وتكتب على الكيك أحبك وأريدك
ارد أنشد أهل الشوك ومتاني توضيح .... ليش الاحنان بساع دمعتهم تطيح
من دمي أريد اسكيه لولفي وأشربه .... ولو جاع أكص الكلب وأشوي اليعجبه
هاك أخذ كلبي وياك يلماشي لهواي....كله انزرف بجفاك وبوصلك دواي
كل يوم أكول اليوم باجر يمرون .... ومن كثر دمعي السال ماظلت عيون
بأخر نفس مخنوك وأتمنه اشوفك .... واعذرني بس الموت يجبرني أعوفك
هاي البداية وهيج التالي شلون .... رايد سند ياناس ادعولي تهون
خليني يمك حطب من تبرد أشعل نار.... وبالصيف قالب ثلج لو صار مايك حار
كل لحظة أفكر بيك كل ساعة كل يوم .... حته من أغمض العين تطلعلي بالنوم
صوبه علاء الدين كلبي أنا بفركاك.... يمته تجي ياحلو نفط الكلب ملكاك
هذا انت يالمحبوب يابعد روحي .... مجروح وبملكاك هادت جروحي
أسأل عليك الروح مدري شتكلي .... مدري انت نص الروح مدري انت كلي
مل مني حتى الليل والكمر شاهد .... بس بيك أفكر دوم للفجر كاعد
دمك وسط هالروح ومكحل أيدي .... مثل العسل والله يمشي بوريدي
روحي شكثر تهواك وشكد تهم بيك .... سعفه ويهزهه الريح من يمر طاريك
كون الكلب بي باب ينفك تشوفه .... لو شفت غيرك بي حقك تعوفه

*تسألني كل الناس عن امنياتي
اتمنى بس وياك تخلص حياتي

*شنو هالجمال البيك خبرنا عنة
شايل جمال الكون شمخلي النة

*الكلب لوينساك للسوك اجيبة
واكتب عليه للبيع خاين حبيبة

*اصفن وصفن الناس والماصفن داخ
واصرخ بعالي الصوت من فركتك آآآآخ

عاشت ايدك
موضوعك حلوو
تقبل مروري

انت الأحلى ياوردة
تحياتي الك 65555:.

يسلمووووووووووو
عيونك الحلوة شكرا

هااااااااااااااااااااااااي
انت عيونك الحلوة واللي احلى من العيون عطرك ياوردة المنتدى :heart:

يسلموووووووووووووووووو