على كيفك ويانه {فوت متخسر}

على كيفك عليمن خابص الكـــــون؟
وعليمن هوستك وية انفعـــــالك؟

حبك وآني ضيم وقهــــــــر والآم
مامتـــوازي آنة اتـــواصل من خلالك...

شرجي وما احب بس شرجي الريـــاح
وما اعاين ابد نسمة شمـــــــــالك...

ياهو الكـــالك بيك آنة مجنــــــــون؟
وياهو الكـــــــالك ماكو بمثــــــالك؟

كبل لتــــروح، خل اتراهن ويـــــاك
من باجـــر احب عشرة ابـــــدالك...

بطباعك لكيت هوايـــــــة تزويـــــر
لأن كل يوم تتغيــــــر خصــــــــالك...

وماشوفـــــك جميـــــل شما يكولــــون
احس تزويــــــر.. مو اصلي جمالك...

تتمنى كبل بس تسمــــــــع الصوت
وبأحلى الوان راسمنه بخيالك....

وبس سولفنه بيك وصرت محبوب
اشتغلت رحمة الله وطك دلالك....

تتمنى كبل بس نكعد ويــــــــــاك
ومن ردناك شحيــــــــت بوصــــالك...

ماعندك مجال.. شما نحاجيـــــك
ومن يحاجيك لحظة انفعـــــــالك؟؟؟

ملينه غرورك واحنة ماشين
وبعد شيفيد؟ شنسوي بجمالك؟؟

ياعمي احنة يتامى ونكره العيد
العيد انت وغضب جية هلالك...

شنو ابالك يدور؟ انت اجمل الناس؟
باجر بالجمال يدور بالك...

منو بحالك ؟؟ انا ؟؟ لا انت غلطان
واذا تظل هالشكل محد بحـــــــــــالك

اكيد وكلامك جميل
تقبل مروري

وانت الاجمل حبي تحياتي ثيمو

يسلموووووو