الزعل قصيده للشاعر عادل محسن

صحيح الزعل يحرم شوف الاحباب
بس كلبي انت منة وهوة منك

من سالوني ما كلتلهم منين
قسم احلى الكلام حجيت عنك

رجعتلك دمع وهاي العيون
عساهن بالعمى ماوادعنك

جروحي بداخلي بس اني اهم بيك
واني ادري بجروحك يوجعنك

الناقلك حجي ماناصح وياك
ولا خايف من الله الهمس باذنك

تلكاني يمحبوبي بالاحضان
وعني الوجة الاسمر لاتديرة

بلياك اني طير وجنحي مكسور
وبدونك فرحة العاذل جبيرة

ترة عيونك بدوني تفارك الشوك
وبدوني تعيش كل عمرك بحيرة

تلكاني حبيبي وخذني بيدك
ولا تسمع حجي البايع ضميرة

بعد ما بية حيل اني ازعل وياك
ودخيلك هاي زعلتنا الاخيرة
*****************
اتمنى تنال رضاكم
تحيااااااتي

شكرا عمر لردك ذوقك الاحلى
تحياااااااااااتي

شكرا لمرورك
تحيااااااااااتي