اجمل الومضات للشاعر سمير صبيح

كدامك طحت ما شفت وجهك كــــــام
هاك ابسط مثال وشوف وتصــــــــور
ولك خشبه بطبر فركست جف حطاب
من شافت حطب كدامها اتطبـــــــــــر

**********************

العمر ضاع العمر وياك يفـــــــــلان
ضنيتك وفي وخيبت الضنـــــــــون
ضنيتك نبع ما مره انســــــــــــــان
واجيت اطفي لهيبي بشوف العيون
شفت مايك كلت خليني عطشــــان
كرهت الماي من كثر اليشـــــربون
أذا ضنيت اردلك أنته غلطـــــــــان
يا دمعه الرضت ترجع للعيـــــــون

***************************

لمن رماني بسهـــــم
من سهمه ما دنكــت
ما طاح بيه السهـــم
ابضلي طاح وطحـت

*********************

فزاعه بحقل لتحطني مـــــــاريد
أساسي بطين ومخوف العصافير
بعد بس العدل وياي خليــــــــــه
خشبه وما رضت عوج البسامير

**********************

ما تيه ابدرب لو حتى ما ماشيــــــه
على دربي النجم بالليــــــــــل دلاني
وعلى فروة اسد ما تغفه عيني الليل
اذا مو فروته من صيد ذرعــــــــاني
وأخاف يغيب وجهي بطكت الجيلات
دور بالجثث وياها تلكــــــــــــــــاني
ما غرني اللبس لبسو عباة شيــوخ
أشم ريحة غنم بثياب رعيــــــــــاني

*************************

عودت روحي تون والونه صارت طرب
الناي لو ما يون جا حاله حال الكصــب

مع التحيات

روعه روعه روعه
كل الشكر والامتنان اخوية حسن
اني هم راح اجاوبك بومضات لسمير صبيح :

لتصدك يمرنه بيوم نسيان
ونجذب لو نكول الصار ناسين
جروحك من تطيب تعوف نيشان
مثل حنة جوامع عالحياطين

***********************

تعلمنه درس من هاي الجروح
شنهو السيف لوما قبضة الايد
شما يعلة العنب منكول منلوح
بس فترة وتجي مدنكه العناكيد

***********************

زرعنه العود عود يخضر العود
ويمد جفه غصن ويشك التراب
السنابل دنكت وتريد حاصود
وبقه بعش البلابل ينعه الغراب
اذا ماكو بعد للثار هادود
بعد ليش وعليمن نسرك الباب

*************************

رجعنه نكول سهله نعوض الراح
لأن وكت الحجي واحدنه منشار
واذا صارت دموع نصير تمساح
وللسكته افتعلنه اعذار واعذار
ونعاين عالورد بعيون فلاح
نشوفه يموت بس بعيدة الانهار

**************************

سجين انه صحيح وانت سجان
اني وياك بالمنطق مساجين
ترة الجرحة حقيقي يعوف نيشان
مثل حنة جوامع عالحياطين

**************************

سمير صبيح

يسلموووووووووووو منوووووووووور الموووووضوع

يسلموووووووووووو عاشت الايادي
دائمآ مبدعين حسن الحسني وحمودي تحياتي واحترامي الكم

الله تسلموون حسن واحمد ياورود
عاشت الايدي

منووووووووورين ياغاااااااااالين

» شكالولك عليه - للشاعر سمير صبيح
» سمير صبيح - شما اكتب فرح
» سمير صبيح - شيعوضني الدمع
» سمير صبيح - كل الزين تدري
» سمير صبيح - اشكي لياذمم ؟؟