مسابقه شعرية بين الاعضاء

سلام عليكم يا احلى اعضاء
اليوم راح نسوي مسابقه بقوة المساجله يعني كل عضو يدخل يكتب زهيري او بوذية او دارمي والعضو اليدخل بعده يكتب رد للعضو القبله
الدرجات راح تنحسب على قوة الرد ( التشابه بالجناس او القفله او الموضوع )

مثال /
هذا البيت الزهيري (الموال) قيل سنة 1928 من قبل الشاعر ابو مطشر المجراوي

ياصاح جرح الكلب حاير أنه بلحمته
وثوب التهاني ركد مبتوت من لحمته
غم الرجل لو رجه انوالات من لحمته

ياصاحب الروح بعنان الصبر عنهه
ولاهل المكارم لو ردت آنه أخبرك عنهه
لكن اكو مسأله أرد أسألك عنهه
كلي الجلب لو سمن هم تنوكل لحمته

فأجابه ولده الحاج مطشر المجراوي

أرداي ثوب الصبر وأعلى النوايب جلد
وللي نخاني أطيحن دوم انه جلد بجلد
أطعن كلوب العدا وبالروس أجلد جلد

وأعتني الزينات بسابع سمه لوسمن
ولركاب الانذال آنه معتني لو سمن
يل كلت لحم الجلب من ياكله لو سمن
هل يوم اكو بشر تاكل لحمته والجلد

فأجابه حفيده الشاعرعبد الامير مطشر

ملاني ثوب الصبر والصبر ثوبه أعظام
ماأطخ ومد الجدم للرحم كصه أعظام
اللحم كطعه وصل وبراح هشم أعظام

من حيث عندي نفس للنذل مادانت
أشما يزري بيه الوكت للغبره مادانت
هم كلو لحم الجلب لتكول مادانت
وناس الكلت هل لحم أكلت جلد وعظام

فأجابه ابن حفيده باسم المجراوي سنة 2009

فصلت روحي الصبر وصبر الوكت شربته
وجلمة الطيبه صفت ياصاحبي شربته
طيب أصيل الطبع مابيه ابد شربته

من حيث عندي نفس أنشد الرحمي وصل
ماخذ طريقي عدل أذكر الاهي وصل
هم كلو لحم الجلب الخبر ليكم وصل
وناس الكلت هل لحم دم الاخو شربته

كصدت الفرح يامة ويـامة ردني
ومسح دمعي الهملتة يامة ردني
شتضن دهرك مردني يامــــردني
لغم دهرك سحكتة انفجر بية

طحت والكلت مد ايده جر ايده
وصرت نخلة وبقت بالحر جريدة
اذا محبوبي حب يقرة جريدة
الجريدة تكوم تقراله القضية

بهجرك ياحلو يسمر شفتهم
وكلبي من هوه شخصك شفتهم
شكل للي ينشدوني شفتهم
كمر شفتك وليلك حاط بيه

بهجرك لو ردت تمشي .. شحط لك ؟؟
وياجلمة التحط وصفك .. شحط لك ؟؟
اذا ردت الكمر جبته .. شحط لك
اجبيه واقدمه لغعيونك هدية

العكل تكين تك انجن وشل تك
بسبب داريتك بروحي وشلتك
عصرتك عصر بيدية وشــلتك
لكيتك بس مرار وضيم الية

» ومضة شعرية
» ومضهّ شعرية
» أبيات شعرية على السماحة والسكوت
» مسابقه المنتدى رشح من سيكون مشرف على المنتدى( مهم دخولك لانه من الممكن اسمك معهم)
» قيم مشاركات الاعضاء