نائل مظفر - الحكمة

قصة عراقي خسر عينه في سبيل العراق
القصيدة :

اكو حكمة تكول
اسكت لو حجه المايفتهم..حته عالسكته تعلمة
واكو حكمة تكول:
امسح لو كتب غيرك غلط ..حته يكسر بيدة قلمة
واكو حكمة تكول
اكعد لو لبس غيرك خيالك حته يسرح ماي وجهه ويعرة جسمة
واكو حكمة تكول
اعصر عينك بعين القلم لو ردت تكتب علأعمه
الكلمة ذمة
الذمة عصمة
العصمة يمه
اليمة قمة
القمة نجمة
النجمة عينج ياسمه وطاحت شكلّج؟؟
ياشعر يرثي السمه المابيهه نجمة؟؟
الشمس ضلمة بضواهه
والكمر لايذ وراهه
وبين ليله وضحاهه
عيني تطشر ضواهه وفزعت الوادم تلمة
وماكدر واحد يلمة
وماردت احد يلمة
كلت زحمه .. هاي عيني
مومهمه
بيهه حققت المهمة
عيني زلمة
فصلتله الجفن بدلة وبالرمش حكت النطاق
والتحق وية الرفاق
وما رجع بالالتحاق
انقصف ثالث جسر وانقصف رابع زقاق
وانقصف اول حرف بأسم العراق
العين طاحت راد يعمه وركبت ايدي عله اسمه

نائل مظفر

يسلمووووووووو حبي على موضوعك الجميل تقبل مروري

تتدلل حبي نورت الموضوع بمشاركتك

يسلموووووووووو حبي حمودي ... تحياتي

منورين الموضوع

الله الله الله الله الله
ماارورع مانثرته هنا
ابيات جميله جدا جدا جدا
دائما متألق ومميز
شكرا والف شكر
من القلب
تقبل تحياتي و أحترامي اخوك
الحـــــــــس حسن ـــــــــــــــــــني

» نائل مظفر - جرح الفقير
» نائل مظفر - انت تحلم
» نائل مظفر - كلبك جلد
» نائل مظفر - تفاحة ابن ادم
» نائل مظفر - ما احساسك ؟؟