هاك عيني (غزل)

شباب القصيدة اليوم غزل بس من نوع مختلف اتمنى تنال رضاكم
القصيدة تكول

الــــك بس انت وحدك نـــاذر .. العيــــن
والـــك بس انت وحدك بجــــت .. عيـــــني

يمن ربـــك بحر صــــــورلك .. العيــــن
وخلـــــه بشوفتك غركـــانه .. عيـــــني

الـــك بالعيــن نظرة تكسر .. العيــــن
وعمــــت لو غيرك انت تشــوف .. عيــني

سبع عيــون احطلك فـــوك كل ..عيــــن
اخـــاف من الحســــد عنـــك .. يعيــني

يالبعيـــنك غـــرام يذوب .. العيــــن
وغـــزل ما شافته بكـــل عين .. عيــني

احــــــس لو مرة تحجي وياي ..بالعيــن
تصـــك وتجــمد وتنصـــلب ..عيــــــني

مثل لــــون البعـــينك ماشفت .. عيــن
وغيـــرك بالبشر ماتـــرس ... عيــــني

علي لـــمن تمر كلي انكلب .. عيـــــن
واشوفك بيه كلي ومــــو بعيــــــــني