قصيدة تجسد لحظة المصارحة

شباب اليوم جايبلكم قصيدة للشاعر مالك الحزين تصور حالة الارتباك اثناء المصارحة
اتمنى تعجبكم
القصيدة تكول:

انت عينك على شفتي .. واني عيني على الشفايف
واني كل عضامي ترجف وانت خايف واني خايف
شلون هسه .. منهو يحجي .. منهو يبدي بالسوالف
انت لو اني دخيلك مو همت وكليبي تالف
ادري بعيونك تحبني .. وكلبي لعيونك موالف
بس تعال اليحجي كلمة بلا خجل وبلا مخاوف
ما خجلت بيوم مرة وبالحجي شايف وعايف
وياما ياما لساني غازل .. وسكتت ياما مضايف
وهسه اريد احجيلي كلمة مرتبك وجسمي تراجف
وانت .. شو هم مثلي ترجف .. وبالعرك شو مثلي طايف
شصار بينه شمر علينه شكثر مرينة بمواقف
ماخجلنه ولا رجفنه ولا نبوك العين طارف
جنهه مو كلمة احبك .. جن جبل بلساني واكف
وارد كللك .. شنو هي .. كلمة لو جرم ومخالف؟؟
شو احبك .. حيــــــــل احبـــــــــــــــك
كافي عركانين وندور مناشف كافي عركانين وندور مناشف

منقول عن الشاعر مالك الحزين