شعر شعبي عن الوطن

جرح الگلب ياناس يداوه ويهون
وجرح الوطن يلتام بس لكن اشلون


جرح الوطن يلتام وممكن اله انروف
من نحط ايد بئيد ونوحد الصفوف


من كل كتر مجروح اصبح وطنه
واجب علينه انكوم ونضمده كلنه



جرح الوطن ميطيب وبكاعنه الغير
بس الوطن يرتاح لو صار تحرير



جرح الوطن يلتام بسم الاخوة
صف ويه صف انصير ما تبقة فجوه

جرح الوطن يلتام من توكف وياي
ايد اعله ايد نصير مت تهجم اعداي


اكتب جوابي عليك معروفة الاسباب
لو صرنة متحدين جرح الوطن طاب



جرح الوطن يلتام من احنة نلتم
للعدو منطخ راس ونجرعه السم


جرح الوطن يلتام بس تحت شرطين
سنة ويه شيعة نصير كلنة والحسين



جرح الوطن يلتام واثبتلك بهااااي
ليل ونهار هموم متوالفه وويااااااي

تعيش وتسلم