الوطن يكتب قصيدة

الوطن يكتب قصيدة:
تعبت من الكلام وتعبت من السكوت
انة عايش تمام ..وبكل لحظة اموت
تعبت من المشي وتعبت من الوقوف
انة كلي عيون ..لكن مااشوف
تعبت من السؤال ..وتعبت من الجواب
والله شيبوني وانة بعز الشباب
تعبت من الصديق .. وتعبت من الحبيب
انة ابين اهلي واحس روحي غريب
تعبت من الضحك .. وتعبت من البجي
الجماد الما يحس شيفيدة الحجي؟
تعبت من الورق .. وتعبت من القلم
اذا راح الوطن شيفيدة العلم؟
تعبت من الملامة.. وتعبت من الحسد
اذا سلبو الروح شلك بالجسد؟
تعبت من الكآبة ..وتعبت من الفرح
على الدنيا السلام اذا كلبي انجرح
تعبت من البراءة.. وتعبت من الذنوب
عمر كلة خلص خطابات وحروب
تعبت وانة وطنكم جرح يلم جرح
اسهر وانتو نامو للصبح
تعبت من الربح ..وتعبت من الخسارة
اذا ساد التخلف شتفيد الحظارة؟
تعبت من الرصاص وحمل البندقية
احلم ولو مرة وردة حب بيدية
تعبت من السعادة والعز والترف
ولسة بعدة يجري نزيفي وماوكف
اريد امشي بتأني وماالتفت مرة
ياحرية تعالي ذبت حسرة اعلى حسرة
تعبت وكافي اتعب اريد الكط انفاسي
الكلاشنكوف بعدة يلعلع فوك راسي
تعبت وانة العراق المني اتعلمو
طحت مجروح واخواني عافوني ومشو
تعبت وانة العراق . ابو النخوة الأبية
مامرت بدنياي نار الطائفية
عراقيين اسمكم واخذو الاسم مني
نبي الرحمة نبيكم لا شيعي ولا سني
رب واحد خلقنة شهادة وقبلة وحدة
نحج بيت الله كلنة ..وكلنة ضيوف موازيئك انة
يحوي كل شريحة
وشدة ورد الوان وكل وردة الهه ريحة
اليوم انخي العشاير واوصي كل فريضة
يسودها عراضة صلح والراية بيضة
اريد الصوت واحد ةمجلس النواب
يعلنوهه بتحدي كلهم اخوة واحباب
التصالح بيدي منهم
نعم وبكل صراحة
الشعب الي انتخبهم
يضمدولة جراحة
حبيبة كلبي بغداد ليلة والف ليلة
سيجوها بالاسلاك وماعاشت ذليلة
اذا انتو اتحدتو . واتآزر شعبكم
وحدة الاجنبية ابساع يغادر وطنكم
بعزم وحدة بلادي وبصبر الرجال
مايبقى اعلة ارضي بعد اي احتلال
لتخسروني يااحباب وتوحدو لاجلي
دورو الدنيا كلهه ماتلكون مثلي
اذا تحبوني صيرو وحدة وكلب واحد
وتظل كل الطوائف ساعد يشد ساعد
صار سنين وانة محنة بأثر محنة
بس يلتم شملكم العراق يصير جنة
بغداد الحظارة والفن والادب
شوكت يا شعبي ترجع عاصمة العرب
اخر مرة اصرخ اشهد يازمن
اذا ماالتم شملكم ترة يروح الوطن!!!

ان شالله عجبتكم القصيدة

حبيبه كلبي بغداد ليله والف ليله
يسلمووووووووووووووووووووو

بغداد الحظارة والفن والادب
شوكت يا شعبي ترجع عاصمة العرب
اخر مرة اصرخ اشهد يازمن
اذا ماالتم شملكم ترة يروح الوطن!!!

يدللووووووووووو