تدري وش اللي يجرح القلب جرحين

تدري وش اللي يجرح القلب جرحين ,
قصيدة كلماتها مؤثرة جدا......... أخليكم معاها ....

تدري وش اللي يجرح القلب جرحين
ويمد حبل الحزن فيك ويشده

انك تناظر طفل من غير ابوين
يمشي ودمعة سايل فوق خده

منظر صعيب ويقسم القلب قسمين
لا قام يمسح دمعة بكف يده

يمشي ولا يدري طريقة على وين
لين التعب من كثر ما تاه هده

اثقل حروف يشيلها فية حرفين
لا أب يدريبه ولا أم ترده

في خطوته رحلة ودمعة وسكين
وحظ توسد بالمراسي مخده

جيت اسألة بالله قللي ولد مين
وبغي يجاوب واختنق صوت رده

أنا يتيم وما لدربي عناوين
وجزر الحزن فيني يساوي لمده

وطعم الطفولة ما عرفته لها لحين
وثوب السعادة صرت مانيب قده

ابكي إلى من شفت غيري سعيدين
لين البكا فيني يوصل لحده

واقفي ورحت امسح دموعي من العين
وعيني تناظر دمعته فوق خده

وهذا اللي يجرح القلب جرحين
ويمد حبل الحزن غصب ويشده

تسلم على كلام حلو
تقبل مروري

يسلموووووووووو عاشت الايادي