جدو نعمه .. لا ينصح بمشاهدته من هم دون سن الثمنطعش سنه

خلي اسولفلكم هايه السالوفه تذكرتها اثناء احد النقاشات بلكروب ويه الاخ عثمان الفتيان

جنه بالاعداديه ما ننجرع .. اذا استلمنا واحد ما نهده اذا ما نعلكه بلوحه الاعلانات الظاهر جان اكو ازمه بلقراصات فما شر يــنه عله الحبل بوكتها )
المهم
و جان احد ضحايانا مدرس اسمه (الاستاذ نعمة) مدرس انكليزي في احد المدارس بس شون نعمه جان ؟ صدك نعمة ... مخلي روحتنا للمدرسه ونسه وهاي ما صايره بتاريخ المدارس .. حته مرة سوينه اجتماع مال طلاب التعبانه ونصبناه قدوة المدرسه

جان جبير بلعمر .. بس جان ار يــحي الى دررررجه .. نصيحله جدو نعمه جان واحد اسود وضعيييف ....منو يتذكر اللقطه مال تجربه دنماركيه لمن يحجزون عادل امام و نيكول سابا .. لمن تسال نيكول عادل عله واحد منتهي واكف يمهم : مين دا ..... رمسيس ؟؟؟
فــ جان شكله مثل رمسيس بس فرق انه الجكاير مخللصه تـتـنـه مو هو مخلص تــتن الجكاره .....جان الدرس ثلاث ارباع الساعه .. ربع الساعه يكعد علكرسي ويشرب جاكير ويدرسنه من مكانه كوم فلان اقرأ فلان شي من الكتاب
من تخلص الربع ساعه يبقه نص ساعه فراغ يبدي مسلسل الونسه لان الباكيت خلال ربع ساعه يخلص فـ يدز جماعة من الطلاب الخصوصي مالته عله جكاير من بره المدرسه
بلمناسبه جان ياخذ خصوصي لثمانين بلميه من طلاب المرحله و الي جانو يمثلون نخبة طلاب المدرسه كلها .... النخبة بلكسل والتسخيت .. يعني شكوللكم قام بحمله تسجل له بلتاريخ بجمع لشتات الصايعين والدائحين تحت لواءه حته ينجحهم بلامتحانات

ف نترك للقارئ العزيز تصور اللملوم الي جان بوكتها

المهم يبدي الدرس الحقيقي من توصل فرقة الانقاذ بجكاير الحياة بسلام بعد ان تعبر عدة حواجز كونكريتيه من الفرراش(الموظف الي يشتغل كـ منظف وحارس للمدرسه نسميه بلعراق فرراش) الي طبعا اله حصه من الجكاير .. و تعبر حاجز بناية الاداره والمدير

اخيرا جدو نعمه توصله الجكاير ..وهو يفتح الباكيت بيديه الكريمتين .. ويصير تجمع حوله يغطون عليه ... شكولكم فد خمسطعش طالب تتسابق ولو تحصل جكارة لو ايدك والهوا .. و عله المره الجايه

و ينطي حصة طلابه الخصوصي الي يمثلون الاغلبيه من عفطية المدرسه ..يوزعلهم من السومر للاسبين... اما الباقين ف نصبــَـر روحنه بالبخار الي يطلع من حلوكنه بوكت البرد.... من يدفا الجو شنسوي مادري بس احنه نتفرج و نونس روحنه .. و يبدي دخان الجكاير ينطلق من كل نحو وصوب والضحك واصل للضاليييين .. يتخلله بعض العفاط لتلطيف الجو و جدو نعمة مونس روحه ويانه
جان اكو بلصف حارس منتخب بلاغلبيه و بتزكية مباركة من لدن سيادته حته لا يجي احد ماحود ...ويطب علينه و يكطع ونستنا

في احدى المرات ..سوينا بدرس جدو نعمة احتفاليه خاصه بمناسبةعودته سالما من الحج و جان درس اخير و المدير طالع ... ماسولفلكم علكناها عله نعمة ماكو دراسه...اخير شي قنعناه للجدو نعمة وقبل على مضض ( بيني وبينكم جان ممصدك) .. جدو الحجي نعمه طلع يستقبل التهاني من احد المدرسين اصدقاءه وواكف يم باب الصف يسولف يم صفنا حته ناخذ راحتنا وجان درس الاخير والكل مسلطنه ... حبـيـبــــيييييييييييي ..... يمكن بقيت بس اني ما ماخذ نفس

..
ليش ما يجينا جدو نعمه هو و شيباته يركض كامش كلبه... اول شي عبالنه اجته جلطه قلبيه .. كاللنه اجه المدير ...يله بسرعه جكايركم ذبوووها بسرعه افتحو الشبابيك .. خاااااااالييييييييي .... صار الصف تكول عبالك متظاهرين دينهزمون من شرطه مكافحة الشغب وواحد ينطخ باللاخ وواحد من كثر ما مقندل بقه كاعد ممصدك بعدين شافها صدك هم طفر مثل جماعته كلها تتسابق عله الشبابيك تشمر جكايرها.. وكلها تهفي بيديها بلكي الدخانيه تخف وجان المدير بلطريق ديمشي باتجاه صفنا ..... كلها لازمه كلوبها .. هناك طفر جدو نعمة للباب حته يستقبل المدير بره الصف حته لا يطب ..اشو المدير استلمه بوس بوس .. كاله حمد لله عله السلامه و حج مبرور .. هستوني اجيت تره اعذرني .. هناك الصف كله اخذ اول نفس اله من طول المدير وجدو جان هم كلاوجي كعد يسولفله مناسك الحج كلها بلتفاصيل هههههههههههههه الى ان المدير هم ضاج كاله : ها .. اي اي ان شالله .. تورط اجه يباركله وره ربع ساعه يله خلاه يروح
و رجع جدو نعمه للصف شايل ايده بعلامة النصر الشهيره .. والصف كله خرب ضحك عليه .. (( رمسيس منتصرا )) ....وراها واحد من الطلاب كاله : ستاد .. هسه شون لعد ؟ كاله جدو : شنوه ال شلون ؟ كال: ولا جكاره بقت عدنهكلهن شمرناها ؟ جاوبه جدو : لك امشي زماااااااااال ... الصف خرب ضحك عليه
هناك واحد من الطلاب ما ستحمل بعد وكال لجدو هسه اشرب ماي و اجي .... راح ورجع جايب جكاير وياه .. و استانفت الاحتفاليه
ههههههههههههههههه

...
والله ايام

ههههههههههههههههههههههه انته صدك كردي وشعليه بقسم عالم موبايلات

يسلموووووووووو عاشت الايادي