جبتلكم اخـــر اخبـــار السـنــافـر

معظمنا جان يحب كارتون السنافر وننتظره ساعه سته العصر .. ايام الطفوله البريئه ... وبعد الغياب الطويل جبتلكم اخبارهم بعد مرور السنوات

بابا سنفور : راجع شباب ....صابغ شعره اسود و طاك اللحيه ومسويها سكسوكه ....سمعنه مخلص فلوسه عالكارتات مال موبايل

سنفوره : تزوجت وتطلكت
سوت عمليات شد وتصغير فاشله.... و صايره تلعب ستين نفس .... خلف الله عالميك اب اللي مبقيها بنيه تشمر ارقام علولد ومحد معبرها

سنفور شاطر : مو سنفور شاطر اللي جنتو تعرفوه ... ماله واهس بلدراسه .. شال القلم من فوك اذنه وديحط جكاره
العام طلع اكمال بدرسين وهسه يداوم اول درسين و درب الطفره فوك سياج المدرسه ......وكبل عله مدرسه البنات

سنفور مفكر : عله اساس صاير كيكي شال النظاره لان حاط عدسات .. بس بعده ذاكووه يهمبل وحموضه عله جماعته ......واللواكه ما يبطلها ....لا تفعلوا دلك بابا سنفور كان دائما يقول ..................ويييييييييييييي طوب بجلاق يشمروه من شباك السياره

سنفور وصخ : يا وصخ ؟... خالي كله هيد اند شولدر ...الليفه والصابونه صايره ماتفاركه... رشح بانتخابات البرلمان بقائمه الايادي النظيفه
تتذكرون الذبانه اللي جانت تلحكه ؟؟ خطيه ما تحملت الصدمه وهسه نايمه بالعنايه المركزه

سنفور اكول : سنفور اكول لاكيته شفته كلش فرحان ..سالته عن السبب صرح و كال :طكيت فرد طكه ....قدمت طلب ان اقدم برنامج مال طبخ ..باوعولي من فوك ليجوه ..كالولي رح تقدم ويه شيف رمزي برنامج ما يطلبه الجائعون على قناة القيثاره = سرحوه بلكنافذ بين قوسين خخخخخخخ

سنفور مرح : ظل عله سوالفه التعبانه ..يصنع مفرقعات ويفجرها بوجه اصدقائه السنافر ....قبل فتره سمعنه لزموه الحرس الوطني بلسيطره مال سونار شايل عبوه وشبعوه كتل

سنفور مغرور : بعده كيكي هو الورده والمرايه مالته ... جل وريحه و الكاوبوي الحصر والحاتات

سنفور عصبي : شوفو وتعلمو .. بقى يكول انا اكره الصيف ..انا اكره العجاج .. الى ان تخبل .... شفته لابس رباط فوك الفانيله و السنافر يصيحون : هييي هييي مخبببل

سنفور نعسان : يكولون مسوي خطه حته يقلل عدد ساعات النوم .... هسه د ينام و يكعد الظهريه يسوي جاي و يدك بيه فاليوم يشربه وينام لثاني يوم

شرشبيل : يا عيني عله شرشبيل .. وين جان اول ما يفتح عينه يصيح ( اووووه انا اكره السنافر .. ساقضي عليكم .. ساقضي عليكم ولو كان هذا اخر عمل في حياتي ..... هوومممهاهاهاهاهاها ... ) عايف شغله وحاط نكره من نكر السنافر ........ هسه كبر وما بيه حيل يركض وراهم .. كاضيها بلبيت يلعب طاولي ويه هرهور

ههههههههههههههههههه والله عليك سوالف مقريته بس ضحكت هيج

يسلموووووووووو عاشت الايادي

» هلو شباب جبتلكم هذا الدعاء واتمنى تستفادون منه
» شباب جبتلكم اسئلة امتحان مهمة وزاااري